وليد شديرة

تولد شديرة ف 1998 ف مدينة لوريطو ف وسط فاميلة مغريبية أصلها من بني ملال هاجرات ل طاليان قبل مايتزاد ب عشر سنين.[1] باه عزيز حتا هو كان كوايري كيلعب ف لهوجوم ف لمغريب.[2][3] خوه صغير محمد حتا هو كيلعب كورة ف نفس لپوصط معا لفرقة د سانجيوسطيزي.[4]

بدا يلعب شديرة كورة ف لعمر د خمس سنين معا لفرقة د مدينتو، لي دخل ف لفرقة لولة ديالها ملي دار صطاش لعام.[1] دوز شديرة ربع سنين لولة ديال لكاريير ديالو ف لأقسام سفلية د لهواة ف طاليان.[5]

ف 10 يوليوز 2019، سنا كونطرة ديال تلت سنين معا لفرقة د پارما ف سيري أ[6]، لي سلفاتو موراها ل أريتسو ف سيري سي.[7]

دار لبدية ديالو لحتيرافية معا أريتسو ف سيري سي ف 25 غشت 2019 ضد ليكو. بدا لماطش أساسي ؤ خرج ف دقيقة 65.[8]

ف 31 يناير 2020، مشا إعارة ل لفرقة د ليكو.[9]

ف 4 شتنبر 2020، مشا مسلف ل مانطوڤا.[10]

ف 18 يوليوز 2021، مشا مسلف ل باري.[11] ف 30 يونيو 2022، فعّلات باري لبند ديال شريان ؤ سنات معاه كونطرة د تلت سنين حتال يونيو 2025.[12]

ف 12 شتنبر 2022، عيطلو لمودريب د لمونتخاب د لمغريب وليد رݣراݣي باش يلعب جوج ماتشات أميكال ضد تشيلي ؤ لپاراݣواي.[13]

طابلو تالي كيليستي لماتشات د لمونتخاب د لمغريب لي شارك فيهم وليد شديرة من 23 شتنبر 2022 حتال دابا.

 

مشاركة	تاريخ	تيران	لخصم	نتيجة	دقايق	لمسابقة	بيوتا	پاصات	كاپيتان	لفرقة
1	23 شتنبر 2022	تيران إسپانيول برصلونة، كورنيا دي يوبريݣاط	شيلي	2 – 0	23 دق	ماتش ويدي	0	0	لا	باري
2	27 شتنبر 2022	تيران بينيطو ڤيامارين، سيڤيا	پاراڭواي	0 – 0	26 دق	ماتش ويدي	0	0	لا	باري
3	6 دجنبر 2022	تيران لمدينة التعليمية، الريان	سپانيا	0 – 0 3 – 0	38 دق	كاس لعالم 2022	0	0	لا	باري
4	10 دجنبر 2022	تيران الثمامة، الدوحة	لبرطقيز	1 – 0	25 دق	كاس لعالم 2022	0	0	لا	باري
5	25 مارس 2023	تيران بن بطوطة، طانجا	لبريزيل	2 – 1	14 دق	ماتش ويدي	0	1	لا	باري

نتيجة:   ر = ماتش تربح   ت = ماتش تعادل   خ = ماتش تخسر