نص شمالي د لأرض

نّص شّمالي د لأرض هيّا لمنطقة ديال لأرض لي جات ف شّمال ديال خط سّتيواء. 60.7% ديال لمساحة د نّص شّمالي د لأرض مغطية ب لما، ؤ كاتحتاوي علا كتر من 67% ديال لمساحة د ليابسة د لأرض. ف 2015، 6.5 مليار د بنادم كانو عايشين ف نّص شّمالي، شّي لي كيمتّل كتر من 87% ديال لباشار ديك سّاعة.

نّص شّمالي د لأرض

ب سباب لميلان د لمحور د لأرض، لفصول د لعام كيختالفو ما بين نّص شّمالي ؤ نّص لجانوبي. متلاً فاش كيكون لخريف ف نّص شمالي، كيكون فصل رّبيع ف نّص لجانوبي. حاجة خرة لي كاتختالف ما بين هاد جّوج نصوصا د لأرض، هيّا تّيجاه ديال قوة كوريوليس، لي كاتأتر ف لعوامل لجوية بحال تّيارات د لما ؤ لهوا. مي عكس ماكيعتاقدو بعض نّاس، هاد لمفعول ماعندو حتا تأتير علا تّيجاه باش كيدور لما لي كيسيل ف دّيور، ف لاڤابو متلاً.[1]

عيون لكلام

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.