نص جانوبي د لأرض

نّص لجانوبي د لأرض هيّا لمنطقة ديال لأرض لي جات ف لجانوب ديال خط سّتيواء. 39.3% ديال لمساحة د نّص لجانوبي د لأرض مغطية ب لما، ؤ كاتحتاوي علا قل من 33% ديال لمساحة د ليابسة د لأرض. ف 2015، قل من مليار د بنادم كانو عايشين ف نّص لجانوبي، شّي لي كيمتّل 13% ديال لباشار ديك سّاعة.

نّص لجانوبي د لأرض

ب سباب لميلان د لمحور د لأرض، لفصول د لعام كيختالفو ما بين نّص لجانوبي ؤ نّص شّمالي. متلاً فاش كيكون صّيف ف نّص شمالي، كيكون فصل شّتوة ف نّص لجانوبي. حاجة خرة لي كاتختالف ما بين هاد جّوج نصوصا د لأرض، هيّا تّيجاه ديال قوة كوريوليس، لي كاتأتر ف لعوامل لجوية بحال تّيارات د لما ؤ لهوا. مي عكس ماكيعتاقدو بعض نّاس، هاد لمفعول ماعندو حتا تأتير علا تّيجاه باش كيدور لما لي كيسيل ف دّيور، ف لاڤابو متلاً.[1]

عيون لكلام
  1. "Does water go down the drain counterclockwise in the northern hemisphere and clockwise in the southern hemisphere". مأرشيڤي من لأصل ف 2022-03-23. تطّالع عليه ب تاريخ 2021-12-01.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.