ناورو
ناورو، رسميا لجمهورية د ناورو (بلينݣليزية: Republic of Nauru - بالناورية: Repubrikin Naoero)، و اللي كانت قبل معروفة ب"لجزيرة السعيدة"[1]، هي بلاد جزيرة جات ف لمحيط لمهدن و تابعة للقارة ديال أوقيانوسيا. أقرب بلاد ليها هي كيريباتي (300 كم من الشرق). لبلدان لاخرا اللي قراب ليها هوما توڤالو (من لجنوب الشرقي)، جزر صالومون (من لجنوب لغربي)، پاپوا غينيا الجديدة (من لغرب)، ميكرونيزيا (من الشمال لغربي)، و جزر مارشال (من الشمال). لمساحة ديال ناورو هي 21 كم مربع، و هي تالت أصغر بلاد ف لعالم من مورا لڤاتيكان و موناكو. هي تاني أصغر بلاد ف لعالم من جيهة السكان، و أصغر جمهورية ف لعالم.
ناورو
| ||||
|
Ripublik Naoero (na)
| ||||
| نشيد | أغنية ناورو
[[فيشي:|100px]] | |||
| لعاصيمة | يارين | |||
| الساكينة | ||||
| شحال دالسكان | 13,650 (2017) | |||
| السمية ديال السكان | ناوروي، ناوروية، ناورويين, ناورويات | |||
| اللوغات الرسمية | الناورية نڭليزية (حكم لأمر لواقع) | |||
| لجغرافيا | ||||
| لميساحة | 21 كم² | |||
| لقمة لعالية | كوماند ريدج (70 م) | |||
| لبلاصة الطايحة | لمحيط لمهدّن (0 م) | |||
| لإدارة | ||||
| رئيس ناورو | David Adeang | |||
| رئيس ناورو | Russ J Kun | |||
| لبرلمان | لبرلمان د ناورو | |||
| لقتيصاد | ||||
| الناتج الداخلي لكامل | 145,536,603 $ (2021) | |||
| لفلوس | دولار أسطرالي | |||
| معلومات خرة | ||||
| توقيت ديال لبلاد | ڭرينيتش + 12 Pacific/Nauru | |||
| رمز لبلاد | NR | |||
| رمز لانترنيت | .nr | |||
| رمز التيليفون | +674 | |||
| نماري د ليرجونس | 111، 110 و 112 | |||
| جيهة د صوڭان | ليسر | |||
السكان لأصبيين ديال ناورو جاو من ميكرونيزيا و پولينيزيا هادي تقريبا 1000 عام قبل لميلاد. ف لقرن 19، ستعمرات ألمانيا لجزيرة و بقات فيها تا خسرات لحرب لعالمية اللولا. من موراها، عطات لعصبة د لأمم لحكيم د لبلاد لؤسطراليا و نيوزيلاندا و لمملكة لمتحدة مجموعين. ف وقت لحرب لعالمية التانية، ستعمرات الجاپون لبلاد وبقات فيها تا خسرات لحرب. دخلات لبلاد مرة خرا عاود ف لوصاية ديال لحولافا، و بقات تابعة ليهم تا ستاقلاّت نهار 1 يناير 1968.
تيسكنو ف ناورو شويا كتر من 10.000 واحد، و هي لبلاد لوحيدة ف لعالم اللي ماعندهاش عاصمة رسمية، و لكن لحومة ديال يارين هي لبلاصة اللي كاتجمع فيها لأغلبية د لإدارات د لبلاد. اللغات الرسمية د ناورو هوما لينݣليزية و الناورية، و لفلوس اللي كاتخدّم ف لبلاد هي الدولار لأسطرالي. لإقتصاد ديال لبلاد تيضور بزاف على لفوسفاط، اللي تاتصدّرو من 1907. هي داخلة مع بزاف د لمنضمات دولية، منها: لأمم لمتحدة و لكومنويلت و الجمّاعة د لپاسيفيك.
عيون لكلام
- "ناورو - الجزيرة (2014)". مأرشيڤي من لأصل ف 2021-06-17. تطّالع عليه ب تاريخ 2021-05-10.
 |
تقدر تزيد شوف بزاف د تّصاور و لمعلومات ديال Nauru ف ويكيميديا كومنز. |