موريشيوس

موريشيوس ؤلا جزر موريس (بلموريسية: Moris - بلفرانساوية: Maurice - بلينݣليزية: Mauritius) هي بلاد أرخبيل ف لمحيط لهندي، جات من الشرق د إفريقيا، تقريبا 2000 كم عليها، و 860 كم على أقرب بلاصة ليها، اللي هي ماداݣاسكار. موريس فيها 4 د لجزر كبار، مفرقين ف لبحر، و هو اللي تيخلّي لمنطقة لإقتصادية اللي تابعاليها كبيرة بزاف و تاتفوت 2 د لمليون كم مربع.

موريشيوس
République de Maurice (fr)
نشيد	لوطن لأم
لعاصيمة	پور لوي
الساكينة
شحال دالسكان	1,264,613 (2017)
السمية ديال السكان	موريشيوسي، موريشيوسية، موريشيوسيين, موريشيوسيات
اللوغات الرسمية	لا قيمة نڭليزية لفرانساوية
متوسط ديال لعمر	74.39488 (2016)
لجغرافيا
لميساحة	2,040 كم²
لقمة لعالية	بيطون دو لا پوتيط ريڤيير نوار (828 م)
لبلاصة الطايحة	لمحيط لهندي (0 م)
لإدارة
الرئيس ديال جمهورية موريس	بريثفيراجسينغ روبون
رئيس لووزارا ديال جزر موريس	پرافيند جوڭناوت
لبرلمان	لجمعية لوطنية
لقتيصاد
الناتج الداخلي لكامل	11,476,433,604 $ (2021)
لبيطالة (شوماج)	8 % (2014)
مؤشر التنمية لبشرية	0.802 (2021)
لفلوس	روپي موريسي
معلومات خرة
توقيت ديال لبلاد	ڭرينيتش +4 Indian/Mauritius
رمز لبلاد	MU
رمز لانترنيت	‎.mu‎
رمز التيليفون	+230
نماري د ليرجونس	114، 995، 115، 999 و 112
جيهة د صوڭان	ليسر
السيت الرسمي	mauritius.net

أول أوروپيين وصلو لموريس كانو هوما لبرتغاليين ف 1507، و لكن ماداوهاش فيها. ف 1598 حتلّو لهولانديين لجزر ولكن خلاّوهم ف 1710. ف 1715، خدات فرانسا لجزر، ولكن ف 1810 خداتها منها بريطانيا، اللي بقات محتلاها تال 1968، اللي هو التاريخ د لإستقلال د جزر موريس.

تيسكنو ف جزر موريس تقريبا 1.2 مليون د الناس، و لعاصمة ديالها هي پور لوي. ماكايناش لغة رسمية ف الدستور د لبلاد، لأغلبية د الناس تيهضرو لموريسية، و ف لحوايج الرسمية تيخدّمو لينݣليزية ولا لفرانساوية. لفلوس اللي تاتخدّم هي الروپي لموريسي. موريس ماكاناوش فيها سكان أصليين ملّي تكتاشفاش، و عليها جاوليها ناس من بلايص بزاف، و ولاّت دولة مخلطة، ساكنين فيها لهندوس ولمسيحيين ولمسلمين. لجزر د موريس كانت هي لبلاصة لوحيدة ف لعالم اللي كان ساكن فيها الطير ديال الدودو، اللي نقارض ف 1662 من مورا ما بقاو تيصيّدوه بزاف د الناس اللي جاو للجزيرة.[1]