محمد عبابو


مُحمد عبابو (مزيود ف 1934 ف دوّار بورد حدا تازة، مات ف 20 يوليوز 1976 ف الريش) كان واحد من ضّباط لكبار ديال لقوات لمسلحة لملكية لمغريبية معا لجينيرال محمد المذبوح و خوه امحمد عبابو لي خططو ل لمحاولة لفاشلة د نّقيلاب ضد لماليك لحسن تّاني ف قصر صخيرات ف 10 يوليوز 1971. محمد عبابو كان دار تّدريب لعسكاري ديالو ف لمدراسة لعسكارية دّارلبيضا ف مكناس.

ميّز على امحمد عبابو.
محمد عبابو
معلومات عامة
زيادة1 يناير 1934
بورد
لموت20 يوليوز 1976 (42 عام)
الريش
لجنسيةلمغريب
لحرفةعسكري
لّوغات لي كيعرفعربية و لوغات أمازيغية
لفاميلة
خوتامحمد عبابو
لعسكر
لڭرادكولونيل

محاولة د نقيلاب
محمد عبابو (علّيسر) ؤ خوه امحمد عبابو (علّيمن) ف لأكاديمية لعسكارية د مكناس (1956)

لكولونيل محمد عبابو كلّفو خوه صّغير ليوتنان كولونيل امحمد عبابو باش يهاجم لقصر من لجنوب، شّي لي قدر يدير بلا مقاومة كبيرة. ملي فشل نّقيلاب، تّعتاقل محمد عبابو معا رفاقو (منهوم عقا ؤ مزيرڭ)، ؤ دازو من موحاكمة لي تّحكم فيها على محمد عبابو ب 20 عام د لحبس.

ف غشت 1973، تم "لختيطاف" ديالو معا محابسيا خرين ل شي معتقل سري. بعد محاولة د لهروب من لحبس ف 1975 (لي شارك فيها علي بوريكات)، غبر ف مرة ؤ ضّروف د لموت ديالو مامعروف عليها والو، وخا لفاميلة ديالو تلقّات شهادة د لوفاة فيها تاريخ د 20 يوليوز 1976 ف مدينة الريش حدا الراشيدية.[1]

عيون لكلام
  1. "PORTRAIT-ENQUÊTE. L'homme qui a voulu tuer Hassan II". تيلكيل. مأرشيڤي من لأصل ف 22 فبراير 2014.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.