محمد شكري


محمد شكري (خلاق ف آيت شيݣر، نّاظور ف 15 يوليوز 1935 و مات ف طانجا ف 15 نونبر 2003) كاتب و روائي أمازيغي مغريبي. كايتعتابر من أشهر و أنجح لكتاب لمغاربا على لمستوى لعالمي ب حيت ترجمات لكتوبا ديالو ل كتر من 20 لوغة. أهم كتوبا ديالو هوما سّيرة داتية ديالو لّي كتبها ف 3 د رّوايات: "الخبز الحافي"، "زمن الأخطاء" و "وجوه". شكري كاينتامي ل تيار أدب لهامش، لّي هو من رّموز ديالو معا محمد زفزاف، هاد سّتيل لّي ميز لأدب لمغريبي نطيلاقا من سّبعينات لقرن لعشرين. لكتابة ديال شكري كاتميز ب لواقعية ديالها و لجرأة ديالها من حيت لّوغة ديالها و عرض لحميمية ديال لعوالم لهامشية لّي كاتدور فيها لأحداث. شكري من رموز تيار "رواة طنجة"، هاد لمدينة لّي حاضرة ب قوة ف لكتوبة ديالو ب لأماكن ديالها و شّخصيات لّي ميزات سّاحة لأدبية ديالها.

محمد شكري
معلومات عامة
زيادة15 يوليوز 1935
بني شيكر (سپانيا)
لموت15 نونبر 2003 (68 عام)
الرباط
طريقة دلموتموتة طبيعية
سباب لموتكونصير
لجنسيةلمغريب
لحرفةكاتب، معلّيم، كاتيب مسراحي، موطرجيم، روائي و شخصية د الراديو
لّوغات لي كيعرفعربية، تاريفيت، صبليونية، لفرانساوية، الداريجة لمغريبية و نڭليزية
معلومات خرى
لأعمال
ستيلرواية، conte، يوميات و مقالة
لجوايز
IMDB: nm0159383 Modifica els identificadors a Wikidata

شكري كتب كتوبة خرين مهمين من غير رّوايات خصوصا ف نّقد لأدبي حول تصورو ل لأدب و تّوتيق ديالو ل تّجارب لحياتية و لأدبية ديال شخصيات لّي ماركات حياتو لأدبية ف طنجة خصوصا پول بولز و جان جيني.[1][2]

لكتوبا ديالو
  • الخبز الحافي (1972)
  • الشطار "زمن الأخطاء" (1992)
  • وجوه.
  • مجنون الورد (1979)
  • الخيمة (1985)
  • السوق الداخلي (1985)
  • مسرحية السعادة (1994)
  • غواية الشحرور الأبيض (1998)
  • جان جنيه في طنجة
  • بول بولز في طنجة
  • وتينيسي وليامز في طنجة

عيون لكلام
  1. "محمد شكري.. من القاع إلى قمة الأدب المغربي". www.maghrebvoices.com (ب لعربية). 2018-11-16. تطّالع عليه ب تاريخ 2022-08-17.
  2. نصر الله، حسين (2009-08-01). "محمد شكري: الأمّي الذي صار نجماً". هيسپريس (ب لعربية). تطّالع عليه ب تاريخ 2022-08-17.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.