محمد بن عبد الكريم الخطابي

محمد بن عبد لكريم لخطابي (تولد ف 12 يناير 1882 ف أجدير، مات ف 6 فبراير 1963 ف لقاهرة ف مصر)، و لي معروف بسميت مولاي موحند، ولا عبد الكريم، كان قائد سياسي وعسكري د لمقاومة ف لمنطقة د الريف ضد لإستعمار صبليوني و لفرانساوي ل لمغريب.

محمد بن عبد الكريم الخطابي
معلومات عامة
زيادة	12 يناير 1882 أجدير (لمغريب)
لموت	6 فبراير 1963 (81 عام) لقاهرة
طريقة دلموت	موتة طبيعية
لجنسية	لمغريب
لحرفة	قاضي شرعي، سياسي، صحافي، مقاوم، كاتب، رئيس و موطرجيم
لّوغات لي كيعرف	عربية، طاليانية، لفرانساوية، صبليونية، نڭليزية، تاريفيت و لوغات أمازيغية
لكاريير ديال الشخص
شارك ف	حرب الريف (1920 - 1927) معركة أنوال Massacre of Monte Arruit إنزال لحسيمة
لفاميلة
لواليد	عبدلكريم لخطابي
خوت	Mhamed Abd el-Krim
معلومات خرى
دين	إسلام
لعسكر
لڭراد	قائد عام
لحروب	معركة أنوال و حرب الريف (1920 - 1927)

الخطابي ف لغلاف د لمجلة د "تايم" ديال 17 غشت 1925.

تولد ف وسط عائيلة ديال لأعيان، باه عبدلكريم لخطابي كان خدام قاضي.

لخطابي معروف بلي كان تيخدًم تقنية د حرب لعصابات، لي خلاتو يربح بزاف د لمعارك، منها لمعركة د أنوال، لي ماتو فيها كتر من 10.000 عسكري صبليوني.[1] من 1921 ل 1926، أسس الخطابي جمهورية د ريف، و كان هو رئيس ديالها. ف 1926، تحبسات هاد لجمهورية من بعد ماتحالف سلطان مولاي يوسف مع فرانسا وصبانيا[2] وخدًمو لأسلحة لكيماوية باش يقضيو على لمقاومة فريف.

من مورا ما ستسلم لخطابي، نفاتو فرانسا لجزيرة لاريينيون، اللي ݣلس فيها 22 عام، حتى مشا ل مصر و خدا فيها اللجوء ف 1948، وبقا ساكن ف لقاهرة حتا مات وتدفن فيها ف 1963.

لخطط ديال لخطابي ف حرب لعصابات أترات على بزاف د لقادة لي غايجيو من موراه وتعلمو منو بحال تشي ݣيڤارا و هو شي مين و ماو تسي طونڭ. لخطابي كان هو أول مغربي بان ف الصفحة اللولا ديال مجلة "تايم" لميريكانية، ف غشت 1925.