محمد العزاوي
محمد العزاوي (مزيود ف 1954 ف فاس، توفّى ف 6 أبريل 2023 ف الرباط) إعلامي و صحافي رياضي مغريبي كان خدّام ف لإداعة لوطنية. العزاوي كان معروف ب برنامج لأحد الرياضي لي كان كيقدمو.[1]
محمد العزاوي
| ||
 | ||
| معلومات عامة | ||
| زيادة | 1954 فاس | |
| لموت | 6 أبريل 2023 (68/69 عام) الرباط | |
| لجنسية | لمغريب | |
| لحرفة | صحافي رياضي | |
| لّوغات لي كيعرف | الداريجة لمغريبية | |
حياتو
العزاوي تخرج من معهد لإعلام ف الرباط، و بدا لكاريير ديالو ف لمحطة د الراديو د فاس. نضم موراها ل لإداعة لوطنية ف الرباط، ب قتيراح من نورالدين ڭديرة، واحد من لمؤسسين ديال لإعلام الرياضي ف لمغريب. بعدما مات هاد اللخر ولّا محمد العزاوي كيسيّر برنامج لأحد الرياضي، لي كان كيعرض لمستجدات ديال لبوطولة، نتايج رياضية، و لقاءَات معا مسؤولين رياضيين، و تا فقرات ترفيهية.[2]
عيون لكلام
- "وفاة محمد العزاوي أيقونة الأحد الرياضي". 2023-04-06. مأرشيڤي من لأصل ف 2023-05-21. تطّالع عليه ب تاريخ 2023-05-21.
- "الأحد الرياضي .. عندما شاهد المغاربة مباريات الكرة بآذانهم". 2023-04-06. مأرشيڤي من لأصل ف 2023-05-21. تطّالع عليه ب تاريخ 2023-05-21.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.