محمد الشرايبي


محمد الشرايبي (مزيود ف 1948 ف مكناس، توفى ف 14 يوليوز 2023 ف الدارلبيضا) هوّ صحافي و معلق رياضي مغريبي. كان نضمّ ل لإداعة لوطنية ف الستينات، و ب التوازي ف لعلاقات لعامة ف شركات بحال لمكتب الشريف د لفوسفاط. هوّ واحد من لمؤسسين ديال الجمعية لمغريبية د الصحافة الرياضية.

محمد الشرايبي
معلومات عامة
زيادة1948
مكناس
لموت14 يوليوز 2023 (74/75 عام)
الدار البيضا
لجنسيةلمغريب
لحرفةصحافي رياضي
معلومات خرى
لأعمال
لجوايز

حياتو

لتاحق الشرايبي ب لإداعة لوطنية ف 1966، و عام موراها خدم ب التوازي ف لمكتب الشريف د لفوسفاط (لوصيپي) ف لعلاقات لعامة. ف فبراير 1971، أسس الجمعية لمغريبية د الصحافة الرياضية معا عبد اللطيف لغربي و محمد السلهامي. فاش خرج من لإداعة ف 1978 كان شاد لپوسط ديال رئيس قسم الرياضة. ف 1989 خرج من لوصيپي و ولّا خدّام ف شركة تجارية د لپريڤي.

ولّا خدم من بعد ف لوبيّات صيناعية تابعة ل شركات صبليونية ف لمغريب، و إفريقيا و بلدان عربية. ف 1997، ستاقر ف كانادا، و حاول باش يجيب ستيتمارات ديال شركات صيناعية ل لمغريب. دار مجهود كبير باش يجيب ستيتمارات من ؤروپا و كانادا تا ل بلدان إفريقية خرة، سيرتو السينيڭال، و داكشي علاش تعيّن قنصول شرفي ديال السينيڭال ف أبريل 2012.[1]

توفى محمد الشرايبي على عمر د 75 عام، و تدارت ڭنازتو ف الدارلبيضا.

جوايز و تقديرات

  • 10 شتنبر 2004: لوسام لوطني د السبع، من عند الرئيس د السينيڭال عبدلاي واد[2]

عيون لكلام

  1. "Décès de Mohamed Chraibi: Un vétéran du journalisme sportif". 2023-07-21. تطّالع عليه ب تاريخ 2023-11-27.
  2. "Maroc-Sénégal : Distinction pour un ancien journaliste de la RTM". 2004-09-11. تطّالع عليه ب تاريخ 2023-11-28.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.