مجلس النواب (لمغريب)

مجلس نّوابلعربية مجلس النواب، ب لأمازيغية ⴰⵙⵇⵇⵉⵎ ⵏ ⵉⵎⵓⵔⴰ أسقّيم ن ئمورا، ب لفرانساوية Chambre des Représentants) ف لمغريب هوّا شّومبرة سّفلية ديال لبرلمان لمغريبي. شّومبرة لعلوية هيّا مجلس لمستشارين. لأعضاء ديال مجلس نّواب كيتّنتاخبو كولا 5 سنين، ؤ لعاداد ديالهوم كيكون 395، منهوم 305 من دواير لمحلية، ؤ 90 من لّوائح لخاصة ديال نّسا ؤ شّباب. مجلس نّواب كيتّجمع ف لمبنى ديال لبرلمان لي كاين ف رّباط، ؤ رّئيس ديالو لحالي هوّا لحبيب لمالكي.

مجلس النواب (لمغريب)
معلومات أساسية
نوع د لمؤسسةمجلس أدنى
لبلادلمغريب
تاريخ د تّأسيس1963
رئيسرشيد طالبي لعلمي
سّيت رّسميchambredesrepresentants.ma
معلومات إضافية
عضو فالاتحاد البرلماني الإفريقي، Assemblée parlementaire de la Francophonie، اتحاد برلمانات الدول الأعضاء في منظمة التعاون الإسلامي، برلمان البحر الأبيض المتوسط، البرلمان العربي و الجمعية البرلمانية لمجلس أوروبا
أعضاء/ڭزواتعضو مجلس النواب المغربي و رئيس مجلس النواب


لمبنى د لبرلمان لمغريبي ف رّباط

تاريخ

ف 1908 كانت لمحاولة لّولة ف لمغريب ديال صّياغة د دوستور، لي جهضاتها فرانسا فاش بدا سّتيعمار لفرانساوي د لمغريب. مورا سّتيعمار نيشان بدات نّوية ديال مجلس نّواب ب لإنشا ديال لمجلس لوطني سّتيشاري ب رئاسة د لمهدي بنبركة، لي كانو فيه 76 عضو من لحركة لوطنية. دّوستور د 1962 دار صّياغة لّولة ديال برلمان مغريبي ؤ حدد صّلاحيات ديالو. لفصولا 28 ؤ 31 ديال لباب تّاني ؤ لفصل 70 ف لباب لخامس حددو لعلاقة مابين لبرلمان ؤ لماليك. ف لباب تّالت كانلقاو تفاصيل علا لبرلمان ؤ كيفاش خدّام. ف لباب لخامس ؤ بواب خرين موراه كانلقاو تفاصيل علا لعلاقة مابين لحوكومة ؤ لبرلمان.[1][2] ؤ مابين 1963 ؤ 1965 كانت لولاية تّشريعية لّولة ب 144 عضو منتاخبين ف مجلس نّواب، ؤ 120 عضو ف مجلس لمستشارين. مورا لحالة د لستيتنا مابين 1965 ؤ 1970، تّصاغ دّوستور د 1970 لي مدد لولاية د مجلس نّواب من 4 سنين ل 6 سنين ؤ زاد حدد صّلاحيات د لبرلمان (لي دابا ولات فيه شومبر وحدة هيّا مجلس نّواب) بشكل دقيق علا قبل، ؤ عطا ل لماليك صّلاحية باش يحل لبرلمان ب إصدار ديال ضاهير، ؤ ف هاد لحالة كيولي لماليك كيقوم ب لأدوار ديال لبرلمان حتا يتنتاخب واحد جديد ف ضرف 3 شهور.[3]

ف 1970 ؤ 1971 كانت لولاية تّشريعية تّانية لي عرفات نتيخاب 240 عضو ف مجلس نّواب، منهوم 90 بشكل عام ؤ موباشير، 90 كيمتلو لجماعات لمحلية، ؤ 60 من شّومبرات لخدايمية.[2]

ف 1972 صدر دوستور جديد لي من بين تّبديلات ديالو بلي نقص لولاية د مجلس نّواب من 6 سنين ل 4 سنين، ؤ رد جوج تلات د لأعضاء ديالو كيتّنتاخبو بشكل موباشير (من طاراف شّعب)، ؤ تلت كيتّنتاخب من طاراف أعضاء د لمجالس لمحلية، ؤ شّومبرات لخدايمية.[4] مورما تسد لبرلمان 5 سنين، بدات لولاية تّشريعية تّالتة ف 1977، تال 1983، ؤ تّنتاخبو فيها 264 عضو ف لبرلمان، منهوم 176 ب قتيراع موباشير، ؤ 88 ب قتيراع لاموباشير. لولاية تّشريعية رّابعة كانت من 1984 تال 1992، ؤ تزاد فيها لعاداد د لأعضاء ل 306، 204 منهوم جاو ب قتيراع موباشير، 60 ب قتيراع من أعضاء د لمجالس لمحلية، ؤ 42 من شّومبرات لخدايمية.[2]

ف 1992، صدر مرة خرة دوستور لي زاد حدد شي تويشيات، من بينهوم بلي مجلس نّواب ماخاصّوش يتحل ب ضّارورة يلا كانت حالة د لستيتنا (لباب تّاني، لفصل 25)، ؤ رد لمدة د لولاية تّشريعية د مجلس نّواب 6 سنين كيما كانت قبل، ؤ لمدة د رّئاسة د لمجلس 3 سنين بعدما كان كيتعاود نّتيخاب ديال رّئيس د مجلس نّواب كولا عام ف أكتوبر.[5] لولاية لخامسة كانت من 1993 تال 1997، ؤ تزاد فيها مرة خرة لعاداد د نّواب ل 333، 222 تنتاخبو ب قتيراع موباشير، ؤ 111 ب قتيراع لاموباشير.[2]

دّوستور د 1996 رد لمدة د لولاية تّشريعية 5 سنين، لي باقية ل حد سّاعة، ؤ رّئاسة ديالو عاماين ؤ نص تقريبا.[6] ف 1997 بدات لولاية تشريعية سّاتة، لي رجع فيها لبرلمان ب جوج شومبرات. ف شّومبرة سّفلية (مجلس نّواب) تّنتاخبو 325 عضو، 295 منهوم من دّواير لمحلية، ؤ 30 من ليستة وطنية.[2]

رؤسا د لمجلس

سمية
(دايرة)
توارخ لحيزب لويلاية (نتيخابات)
1 لمهدي بن بركة
1956
1959
حزب ليستقلال لمجلس لوطني ستيشاري (تأسيسي)
2 عبدلكريم لخطيب
1963
1965
لحركة الشعبية لولا (1963)
حالة د ستيتناء من 1965 حتال 1970.
3 عبد الهادي بوطالب
1970
1971
لامنتمي تانية (1970)
4 مهدي بن بوشتة
1971
1972
حزب ليستقلال
تسد مجليس نواب ف مارس 1972.
5 داي ولد سيدي بابا
1977
1983
تجمع لوطني د لأحرار تالتة (1977)
6 أحمد عصمان
1984
1992
رابعة (1984)
7 محمد جلال سعيد
1993
1997
تيحاد دوستوري لخامسة (1993)
8 عبد الواحد الراضي
(سيدي سليمان)
1997
2002
تيحاد شتيراكي د لقوات شعبية ساتة (1997)
21 أكتوبر 2002
2007
سابعة (2002)
9 مصطفا لمنصوري
(ناضور)
16 أكتوبر 2007
2010
تجمع لوطني د لأحرار تامنة (2007)
10 عبد الواحد الراضي
(سيدي سليمان)
9 أبريل 2010
2011
تيحاد شتيراكي د لقوات شعبية
11 كريم غلاب
(بن مسيك)
19 دجنبر 2011
2014
حزب ليستقلال تاسعة (2011)
12 رشيد طالبي لعلمي
(تطوان)
10 أبريل 2014
2016
تجمع لوطني د لأحرار
13 لحبيب لمالكي
(خريبݣة)
16 يناير 2017
15 يوليوز 2021
تيحاد شتيراكي د لقوات شعبية لعاشرة (2016)
14 رشيد طالبي لعلمي
(تطوان)
9 أكتوبر 2021
تجمع لوطني د لأحرار لحاضشة (2021)

عيون لكلام

  1. "دوستور د 1962" (ب لعربية). مأرشيڤي من لأصل ف 2023-06-13. تطّالع عليه ب تاريخ 2021-09-11.
  2. "طايملاين ديال مجلس نّواب" (ب لعربية). مأرشيڤي من لأصل ف 2023-03-29. تطّالع عليه ب تاريخ 2021-09-11.
  3. "دوستور د 1970" (ب لعربية). مأرشيڤي من لأصل ف 2023-06-13. تطّالع عليه ب تاريخ 2021-09-11.
  4. "دوستور د 1972" (ب لعربية). مأرشيڤي من لأصل ف 2023-06-13. تطّالع عليه ب تاريخ 2021-09-11.
  5. "دوستور د 1992" (ب لعربية). مأرشيڤي من لأصل ف 2023-06-14. تطّالع عليه ب تاريخ 2021-09-11.
  6. "دوستور د 1996" (ب لعربية). مأرشيڤي من لأصل ف 2023-06-14. تطّالع عليه ب تاريخ 2021-09-11.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.