مامفاكينش

مامفاكينش كان واحد السيت د لإعلام لمواطن ف لمغريب تأسس ف فبراير 2011 ف وقت الربيع الديموقراطي باش يتبًع لإحتجاجات د 20 فبراير.

مقالة زنقة ماكاتخرجش. هاد لمقالة زنقة ما كاتخرجش، ما كاتوصّل ل تا شي مقالة خرة، حاول تزيد فيها ليانات د مقالات خرين كاينين ف لموسوعة.
ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط!

الصفحة اللولا د مامفاكينش ف 2014.

التأسيس

تأسس مامفاكيش ففبراير 2011 من مناضلين كانو باغين تكون فلمغريب منصة د الصحافة لمواطنة باش مايبقاش التهميش د لأصوات اللي تاتنتاقد.[1] ملًي تأسسات, علنات مامفاكينش باللي كانت مستاقلة على أي هيأة سياسية ولاحزب ولاتنظيم.

لمشكل د لحضية

ف 2012, نشرات لمجلة لميريكانية فوريين پوليسي تحقيق على الحضية والتبرݣيݣ فأنترنت. هضر ديك التقرير على لقرصنة اللي تدارت للحواسيب د شي أعضاء د مامفاكينش. كان تصيفط ليهم واحد لڤيروس اللي قرا لمييلات مابين الناس د مامفاكينش وتيسرق كلمات السًر ديالهم وتيحل لكاميرات ولميكروفونات ديالهم تاهوما. من مورا تحقيقات, تًلقا باللي لحكومة هي اللي كانت تادًير هاد التجسس عليهم.[2]

عيون لكلام
  1. "الحكومات تبتكر أدوات رقابية لصحافة المواطن - الوطن (2017)". مأرشيڤي من لأصل ف 2020-07-17. تطّالع عليه ب تاريخ 2020-07-17.
  2. "مراقبة الإنترنت وصحافة المواطن بالمغرب: حالة "مامفاكينش" نموذجًا - الجزيرة (2019)". مأرشيڤي من لأصل ف 2020-07-17. تطّالع عليه ب تاريخ 2020-07-17.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.