ماداݣاسكار

ماداݣاسكار، رسميا لجمهورية د ماداݣاسكار (بلفرانساوية: République de Madagascar - بلملݣاشية: Repoblikan'i Madagasikara) هي بلاد أرخبيل ف لمحيط لهندي، جات تقريبا على 400 كم من لجنوب الشرقي د إفريقيا. لبلاد فيها جزيرة كبيرة (رابع أكبر جزيرة ف لعالم) و بزاف د لجزر صغار. هي تاني أكبر بلاد أرخبيل ف لعالم من جيهة لمساحة، من مورا أندونيسيا.

ماداݣاسكار
Repoblikan'i Madagaskar (mg) République de Madagascar (fr)
نشيد	Ry Tanindrazanay malala ô!
لعاصيمة	أنطاناناريڤو
الساكينة
شحال دالسكان	25,570,895 (2017)
السمية ديال السكان	مالاڭاشي، مالاڭاشية، مالاڭاش, مالاڭاشيات
اللوغات الرسمية	لملݣاشية لفرانساوية
متوسط ديال لعمر	65.932 (2016)
لجغرافيا
لميساحة	587,295 كم²
لقمة لعالية	ماروموكوطرو (2,876 م)
لبلاصة الطايحة	لمحيط لهندي (0 م)
لإدارة
نضام الدولة	جمهورية
رئيس مدغشقر	أندريه راجولينا
رئيس وزراء مدغشقر	كريستيان نتساي
لبرلمان	لبرلمان د ماداݣاسكار
لقتيصاد
الناتج الداخلي لكامل	14,554,754,115 $ (2021)
لبيطالة (شوماج)	4 % (2014)
مؤشر التنمية لبشرية	0.501 (2021)
لفلوس	آرياري
معلومات خرة
توقيت ديال لبلاد	ڭرينيتش + 3 Indian/Antananarivo
رمز لبلاد	MG
رمز لانترنيت	‎.mg‎
رمز التيليفون	+261
نماري د ليرجونس	117، 118 و 124
جيهة د صوڭان	ليمن

هادي 88 مليون عام، لجزر ديال ماداݣاسكار تفككو من شبه لقارة لهندية، اللي كانو طرف منها. من ديك الساعة و هاد لجزر معزولة ف لبحر، و هو اللّي خلا الطبيعة و النباتات اللي فيها يكونو عندهم شكل خاص. أول آتار ديال بنادم ف لمنطقة مسجلة من هادي 10.000 عام. الناس اللي سكنو فيها مخلطين ما بين اللي جاو من آسيا و اللي جاو من الشرق د إفريقا. ف لقرن 19، كانت لبلاد فيها مملكة موحدّة وب لمؤسسات ديالها. ف 1897 ستعمرات فرانسا لبلاد، و بقات فيها تال 1960، اللي هو لعام د لإستقلال د لجمهورية د ماداݣاسكار.

تيسكنو ف ماداݣاسكار تقريبا 26.2 مليون د الناس، و لعاصمة ديالها هي أنطاناناريڤو. اللغات الرسمية د لبلاد هوما لملݣاشية و لفرانساوية، و لفلوس اللي كاتخدّم هي آرياري. كاين 18 إثنية و مجموعة عرقية ف لبلاد[1]، متبعين يا إما الديانات لمحلية، يا إما لمسيحية، ولا تيخلطوهم بجوج. ماداݣاسكار داخلة مع بزاف د لمنضمات دولية بحال لأمم لمتحدة و لإتحاد لإفريقي و مجموعة التنمية د إفريقيا لجنوبية، و لمنضمة لعالمية د لفرونكفونية.