ليتيحاد الدولي ديال كورة


ليتيحاد الدولي ديال كورة (بالنݣليزية: International Federation of Association Football، بلفرانساوية: Fédération Internationale de Football Association) أولّا FIFA[1] هي منضامة دولية كاتحكّم فالرياضة د كورة فلعالم. هاد لمنضامة داخل فيها 211 عضو (بلدان وأراضي). تأسس هاد ليتيحاد نهار 21 ماي 1904[2] ف باريز[3] باش يراقب التورنوايات الدوليين اللي كانو مابين ألمانيا، بلجيكا، الدانمارك، فرانسا، هولاندا، الصبليون، السويد وسويسرا، وتزادو ليها شي دول قبل من لحرب لعالمية اللولة بحال كانادا ف 1913 ولميريكان ف 1914.[4]

ليتيحاد الدولي ديال كورة
شعار: For the Game. For the World.
ليتيحاد الدولي ديال كورة
معلومات عامة
تأسسات21 ماي 1904 ف باريز
لمقر فزيورخ
رياضة دكورة، كرة الصالات و كرة القدم الشاطئية
مترأسة علىعالميًّا
لمدير ديالهاجياني إنفانتينو
معلومات خرين
لوغات رسمييننڭليزية، لفرانساوية، لألمانية و صبليونية
السيت الرسميfifa.com

ليوما لمقر ديالها كاين فمدينة زوريخ فسويسرا، وكايترأسها السويسري الطالياني جياني إنفانتينو من 26 فبراير 2016. أشهر حاجة معروفة بيها لفيفا هي كاس لعالم، واللي تنضم أول مرة فمدينة موتيڤيديو، اللي هي لعاصيمة ديال لأوروݣواي.[5] لفيفا كاتدخل لفلوس من ليشهارات والصپونصورات، واللي وصلو ف 2018 ل 4.7 مليار دولار ميريكاني (42 مليار درهم مغريبي)، وكان فيهوم رباح ديال 1.2 مليار دولار ميريكاني (10 دلمليار ديال الدرهم). لخزينة ديال لفيفا وصلات 2.7 مليار دولار ميريكاني (24 مليار درهم) فلافان ديال لفترة مابين 2015 و2018.[6]

لمؤسسات د لفيفا
لمقر ديال لفيفا فزوريخ، سويسرا

لعضو لمجهد ݣاع فلمؤسسات ديال لفيفا هو لكونݣريس د لفيفا (بالنݣليزية: FIFA Congress)، اللي هو مجليس فيه ممتيلين من كولا بلاد وأرض عضو واللي كايتدار لمؤتمر ديالو لعادي مرّة كولّا عام، ومن 1986 جوج مرات فلعام. لكونݣريس هو بوحدو اللي عندو لحق يبدّل لقوانين ديال لفيفا.كاينة اللجنة ليستيعجالية ديال لفيفا، واللي كاتعامل معا لحوايج ولمشاكل الضروريين مابين كولا مجمع ديال لونݣريس.[7]

هاد لكونݣريس كايصوت على الدخول ديال بلدان وأعضاء جداد وكاينتاخب الرايس ديال لفيفا ولأمين لعام واللجنة التنفيدية.[8] الرايس ديال لفيفا ولأمين لعام كايݣابلو اللي طاري فلفيفا وبرّا ديالها، أما اللجنة التنفيدية واللي كايترأسها الرايس د لفيفا هي اللي مسؤولة على لوقات ولبلايص والشكال ديال التورنوايات. لفيفا كاينة فسويسرا، داكشي لاش هي مؤسسة اللي تابعة وكاتحتارم لقانون السويسري.

الراية والنشيد
الراية ديال لفيفا.

الراية ديال لفيفا هي راية زرقة وفيها اللوݣو ديال لفيفا بلبيض. الراية الجديدة ديال لفيفا بدات كاتخدّم من لحفلة ديال لحلّان د كاس لعالم 2018 ديال روسيا، ومن تما وديما لفيفا خدامة بيها.

النشيد ديال لفيفا هو نشيد صاوب لألماني فرانز لامبرت اللحن ديالو من 1994، وعاودو ليه روب ماي وصايمون هيل لينتاج.[9][10] كايتغنى النشيد فلميطشان والتورنوايات اللي كاتنضمهوم لفيفا.[11] من 2007 فرضات لفيفا على الشوركة دياولها اللي كايدوزو لميطشان باش يدوزو مورصو صغير ديال النشيد قبل ومن مورا لميطشان، هادشي باش تزير لفيفا تشهر لمستشهيرين ديالها.[12]

لأعضاء د لفيفا
كونفيديراليات لفيفا
AFC، CAF، CONCACAF
CONMEBOL، OFC، UEFA

كاينين ستة ديال لكونفيديراليات ولمنضامات الدولية اللي معتارفة بيهوم لفيفا باللي تابعين ليها. هاد لمنضامات هوما:

فلمجموع، لفيفا كاتعتارف ب 211 جامعة وطنية ديال لكورة و129 فرقة ديال لكورة ديال لعيالات.

الناس اللي ترأسو لفيفا
ت.السميةلبلادخدا لپوسطخرج من لپوسطملاحضة
1روبير ݣيرانالراية ديال فرانسا.23 ماي 19044 يونيو 1906
2دانييل بورلي وولفالالراية ديال لمملكة لمتحدة.4 يونيو 190624 أكتوبر 1918مات
—كورنيليس أوݣاست ويليم هيرشمانالراية ديال هولاندا.24 أكتوبر 19181920مؤقات
3جول ريميالراية ديال فرانسا.1 مارس 192121 يونيو 1954
4رودولف سيلدرايرزالراية ديال بلجيكا.21 يونيو 19547 أكتوبر 1955مات
5آرتر دريوريالراية ديال لمملكة لمتحدة.9 يونيو 195625 مارس 1961مات
—إرنست طومنالراية ديال سويسرا.25 مارس 196128 شتنبر 1961مؤقات
6سطانلي روسالراية ديال لمملكة لمتحدة.28 شتنبر 19618 ماي 1974
7خواو هاڤيلانݣالراية ديال لبريزيل.8 ماي 19748 يونيو 1998
8سيپ بلاترالراية ديال سويسرا.8 يونيو 19988 أكتوبر 2015تراو عليه
—عيسى حياتوالراية ديال كاميرون.8 أكتوبر 201526 فبراير 2016مؤقات
9جياني إينفانتينوالراية ديال الطاليان.
الراية ديال سويسرا.		26 فبراير 2016خدام دابا

عيون لكلام
  1. "Fédération Internationale de Football Association". Filmcircle.com. 11 يونيو 2014. مأرشيڤي من لأصل ف 8 أكتوبر 2014. تطّالع عليه ب تاريخ 11 يونيو 2014.
  2. FIFA.com. "History of FIFA - Foundation - FIFA.com". FIFA.com (ب نڭليزية). مأرشيڤي من لأصل ف 2019-03-31. تطّالع عليه ب تاريخ 15 يونيو 2018.
  3. "Classic Football History of FIFA – Foundation". مأرشيڤي من لأصل ف 2015-03-28. تطّالع عليه ب تاريخ 2021-09-14.
  4. FIFA (10 شتنبر 2009). "FIFA's 208 Member Associations" (PDF). مأرشيڤي (PDF) من لأصل ف 2019-06-26. تطّالع عليه ب تاريخ 1 دجنبر 2015.
  5. Council، Manchester City. "About the National Football Museum | The National Football Museum at Urbis | Manchester City Council". www.manchester.gov.uk (ب نڭليزية). مأرشيڤي من لأصل ف 1 دجنبر 2017. تطّالع عليه ب تاريخ 28 نونبر 2017.
  6. FIFA Financial Report 2018 (PDF) (Report). 31 دجنبر 2018. مأرشيڤي (PDF) من لأصل ف 2021-04-29. تطّالع عليه ب تاريخ 2021-09-14.
  7. "Emergency Committee". FIFA. مأرشيڤي من لأصل ف 2018-10-19. تطّالع عليه ب تاريخ 7 دجنبر 2015.
  8. "FIFA Congress". FIFA. 27 ماي 2011. مأرشيڤي من لأصل ف 5 أبريل 2010.
  9. Kearney، Judith؛ Wood، Lesley؛ Teare، Richard (28 أكتوبر 2015). Designing Inclusive Pathways with Young Adults: Learning and Development for a Better World. Springer. ردمك 9789463001571 – على طريق Google Books.
  10. "FIFA's 113th foundation day: 10 things you should know about world football's governing body : Sports Arena". indiatoday.intoday.in. مأرشيڤي من لأصل ف 2017-10-16. تطّالع عليه ب تاريخ 2021-09-14.
  11. "FIFA anthem". YouTube. مأرشيڤي من لأصل ف 2023-03-26. تطّالع عليه ب تاريخ 19 ماي 2010.
  12. "The extraordinary power of the football song". BBC. 14 يونيو 2018. مأرشيڤي من لأصل ف 9 فبراير 2020.
Wikimedia Commons تقدر تزيد شوف بزاف د تّصاور و لمعلومات ديال ليتيحاد الدولي ديال كورة ف ويكيميديا كومنز.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.