لحسن اللول


الحسن اللول بن محمد، تولد عام 1836 ف تادلة و توفا عام 1894، هو سلطان لي حكم المغريب ما بين 1873 و 1894 من بعدما خلف باه محمد الرابع. هو حتا لواليد ديال 3 سلاطين للي حكمو لمغريب هوما عبد العزيز و عبد الحفيظ و يوسف بن الحسن.[1]

لحسن اللول
معلومات عامة
زيادة1836
فاس
لموت7 يونيو 1894 (57/58 عام)
مراكش
لجنسيةلمغريب
لحرفةسياسي
لّوغات لي كيعرفعربية
لفاميلة
لواليدمحمد الرابع
شريكLalla Ruqaya Al Amrani
لولادعبد الحفيظ بن الحسن
عبد العزيز بن الحسن
مولاي يوسف
لجوايز

الحكم ديالو

فترة لحكم ديالو كانت فترة لي لأطماع لؤروپية زادت على لمغريب و كانت فرانسا و بريطانيا تيفكرو يفرضو الحماية على لمغريب كيما دارو ف مصر و تونس. لكن هاد الفكرة لقات معارضة من دول ؤروپية خرة بخال ألمانيا و سپانيا. ف عام 1880 ف لعهد ديالو غادي يكون مؤتمر مدريد لي غادي تشارك فيه 12 دولة ؤروپية و لمغريب. هاد لمؤتمر غادي يأكد علا ستقلال لمغريب و لكن غادي يعطي متيازات كبيرة لؤروپيين. ف مثلا لؤروپيين و لمحميين غادي يتعفاو من عدد من الضرائب الحاجة لي غادي تخوي خزينة الدولة. لحسن اللول غادي يدير حتا واحد سياسة ديال التقشف باش ميضطرش يتسلف من لؤروپيين و لكن النتيجة ديال هادشي هي بلي الجيش غادي يضعاف قدام القبائل لي ممكن تمرد ف أي لحظة. باش الحسن اللول يضمن ولاء هاد القبائل غادي يدير عدد من الرحالات ف ڭاع نواحي البلاد اهمها رحلة لي غادي دوز من فاس ل تافيلالت ل مراكش ل ݣلميم.

لحسن اللول غادي يعين موحا أوحمو الزياني قايد ف خنيفرة. موحا أوحمو غادي يولي من أهم المقاومين د الستعمار ف لقرن لعشرين.

ولادو

  • مولاي عبد العزيز
  • مولاي عبد الحفيظ
  • عبد الرحمن المدعو مولاي الكبير
  • مولاي عمر
  • مولاي إسماعيل
  • مولاي الحسن
  • مولاي إدريس
  • مولاي أحمد
  • سمية سيدي
  • مولاي بوبكر
  • مولاي التهامي
  • سيدي محمد المهدي
  • مولاي الزين
  • مولاي محمد
  • مولاي الطاهر
  • مولاي علي
  • مولاي عبد الله
  • مولاي الطيب
  • مولاي يوسف
  • مولاي المأمون
  • مولاي جعفر
  • مولاي عثمان
  • مولاي عرفة
  • مولاي الأمين
  • مولاي موسى
  • مولاي المصطفى
  • مولاي بلغيث

عيون لكلام

  1. "HASSAN Ier (1836-1894) , sultan du Maroc (1873-1894)". مأرشيڤي من لأصل ف 10 يونيو 2023.
Wikimedia Commons تقدر تزيد شوف بزاف د تّصاور و لمعلومات ديال Hassan I of Morocco ف ويكيميديا كومنز.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.