لجامعة د الدول لعربية

لجامعة د الدول لعربية، هي منضمة إقليمية تاتجمع لبلدان اللي تاتّهضر فيها لعربية، و اللي كاينين ف إفريقيا و آسيا. تأسسات هاد لمنضمة نهار 22 مارس 1945 من 6 د لبلدان (مصر، لعراق، لأردن، لبنان، السعودية و سوريا)، و كان لهدف ديالها هو تجمع لبلدان اللي كاتهضر بلعربية و يتعاونو بيناتهم ف بزاف د لحوايج بحال السياسة و التجارة و التقافة و الصحة. لمقر ديال لجامعة د الدول لعربية كاين ف لقاهرة، لعاصمة د مصر.

اللوݣو د جامعة الدول لعربية.

لأعضاء ديال جامعة الدول لعربية.

لمغريب دخل للجامعة د الدول لعربية عاماين من مورا لإستقلال ديالو، و بالضبط ف 1 أكتوبر 1958.[1]

لجامعة د الدول لعربية فيها دابا 22 دولة عضو، و لكن لعضوية ديال سوريا تحيّدات من نونبر 2011، ملي اتافقو لأغلبية ديال لأعضاء لاخرين باش يخرجوها.[2]

شوف حتا

عيون لكلام
  1. "الدول الأعضاء بجامعة الدول العربية - الجزيرة (2004)". مأرشيڤي من لأصل ف 2023-06-02. تطّالع عليه ب تاريخ 2021-02-09.
  2. "وزراء الخارجية العرب يعلقون عضوية سوريا ويدعون لسحب السفراء من دمشق - دوتشه ڤيله بلعربية (2011)". مأرشيڤي من لأصل ف 2023-06-09. تطّالع عليه ب تاريخ 2021-02-09.
Wikimedia Commons تقدر تزيد شوف بزاف د تّصاور و لمعلومات ديال Arab League ف ويكيميديا كومنز.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.