لأرض

لأرض هي لكوكب التالت من ناحية البعد على الشمش، قبل منها كاين عطارد و ڤينوس، أما من وراهم فا كاين لمريخ، جوپيتر، ساتورن، أورانوس، ؤ نيپتون، ؤ پلوطو لي مابقاش محسوب كوكب ف لمجموعة شمسية ف 2006.[1]

تكونات لأرض هادي 4.54 مليار عام تقريبا، و بانت عليها لحياة غير ف 3.8 مليار عام لخرة. كوكب لأرض هو لكوكب لوحيد لي فيه لحياة ف لمجموعة الشمسية على حسب لمعلومات لي عند لعولاما دابا، حيت هو بوحدو لي فيه لأوكسيجين و لما و بزاف ديال لحوايج لي تتعاون باش تكون لحياة ف لأرض.

لأرض كاينة ف لمجموعة شّمسية لي حتاهي كاينة معا بزاف بحالها باش تيكَوْنو مجرة سميتها مجرّ لكبش لي كبيرة بزاف. ف اللول كانت لأرض قارة وحدة سميتها پانجيا "Panjya/Pangaea" ومن بعد تفارقو ولاو سبعة ديال لقارات كيفما كاينين دابا لي هوما:

• آسيا
• إفريقيا
• أوروپا
• أمريكا شمالية
• أمريكا لجنوبية
• أوقيانوسيا / ؤسطراليا
• أنطاركتيكا