لأدارسة

لأدارسة سلالة مغريبية عربية ديال شرفة حكمو الشمال ديال لمغريب من عام 789 تال 921، تسماو لأدارسة على أول حاكم، لاِمام مولاي دريس لّول (حكم من 789 تال 791). دولة لإدريسية هي أول دولة اسلامية مستاقلة فلمغريب، ؤ كانت لعاصمة ديالها هي فاس، ؤ كانو لّولين لي دارو سيستيم د لحكم ف لمغريب خارج سّيستيم لقبلي لأمازيغي، ؤ كان مكوّن جزئيا من لعرب، لي دخّلو لعربية ل شمال لمغريب.

دولة لإدريسية (الأدارسة)
سلالة حكمات لمغريب
عملة ديال لأدارسة من لفضة
عملة ديال لأدارسة من لفضة
-----------
تاريخ لحوكمم 788 – م 974
لعاصمةواليلي (789–808)

فاس (808–927)

نظام د لحوكمملكية
دينلإسلام
لفترة تاريخيةلعصور لوسطى
لمؤسسإدريس بن عبد الله (ادريس الأول)
شخصية معروفةإدريس الأزهر (إدريس تاني)
معالم معروفةجامع القرويين
-----------
..


تأسيس

ف عام 789م، تبنات دولة لإدريسية للي حكمات جزء كبير من لمغريب على يد ادريس بن عبد الله[1][2]، و لي هو ولد حفيد لحسن بن علي، ؤ كان واحد من ناس لقلال لي نجاو من معركة فخ لي بزاف د لأنصار د علي تقتلو فيها ضد لعباسيين.[3] ورا ما هرب من لعباسيين ؤ جا لمدينة وليلي، ستقبلاتو لقبيلة لأمازيغية ديال أوربة لي بايعاتو فنس لمدينة باش يتكلف بلأمور دينية والسياسية ديالها، ؤ تزوج منها، ؤ لعبات دور كبير بزاف ف تأسيس ديال دولة لأدريسية، بعد هاد لمبايعة، بايعوه قبايل أخرين بحال زناتة وغيرها، الشي لي عطاه بزاف ديال لقوة باش يدير التوسوعات ديالو، و بعد منو ولدو لإدريس تاني، حتى وصلات الدولة ديالو لتامسنا، فازاز وتلمسان.[4]

لامتداد ديال دولة دلأدارسة فلمغريب (اللون لحمر)

توسع

أسسات دولة لإدريسية بزاف ديال لمدون من غير فاس، بحال لبصرة ؤ تامدولت، و تبعو ليهم بزاف ديال لقبايل بحال مكناسة ؤ غمارة ؤ مصمودة، لكن واخا هكاك فشلوا لأدارسة فتوحيد ديال لمغريب، حيت فلعهد ديالهم كان لمغريب مقسم لبزاف ديال لإمارات، بحال إمارة نكور فشمال، و سجلماسة فشرق، و بروغواطة فلغرب.[4]

تطور

مدينة فاس لي بناوها لأدارسة من لفوق

كايتقال بلي هارون الرشيد صافط لي يقتل ادريس بن عبد الله بسم، من موراها شد ولدو ادريس التاني لحكم وهو باقي صغير عاد عندو 12 لعام. هاد دري ولا راجل وكبر لحكم ديالو (من 803 تال 828)، ؤ بنا مدينة فاس عام 808 م، ؤ لي ولّات لمركز سّياسي ؤ رّوحاني د لمغريب[3]، ؤ مهد للمرحلة دلقوة ديال هاد دولة، لي تبنا فيها جامع لقاراويين عام 859م، لي هو من أهم لمعالم تاريخية فلمغريب، و أقدم جامعة فلعالم. بعد لمرحلة ديال لقوة، جات لمرحلة ديال ضعف لي طاحت فيها دولة عام791 م على يد يحيى رابع.[4] بعدما مات دريس تّاني، لمملكة ديالو تقسّمات بين ولادو ؤ ضعافت، ؤ تّقضا عليها ف مرة من طراف لفاطيميين ؤ لأمويين د لأندلوس، آخر حاكم إدريسي مات محبوس عند لأمويين ف قورطوبا ف عام 985م.[3]

لأثار

من أهم لأثار لي خلاوها الأدارسة هي مدينة فاس لي بناها دريس تاني و قسمها لعدوة ديال الأندلس و عدوة ديال لقرويين، و بنا فيها بزاف ديال لمعالم بحال جامع الأشياخ فلعدوة ديال لأندلس، ؤ جامع شرفاء فلعدوة ديال لقرويين، ؤ دور سوار على لمدينة، و دار ليها لبيبان. فلوقت ديال لأدارسة، كانت لمدينة ديال فاس عندها شهرة كبيرة فلعالم، حيت كانت من لمدون لقلال لي متحضرين، بحكم كانو فيها زناقي مبلطين بلحجر و تاينقيوهم بشكل دوري، و كانت لخزينة ديال دولة مرفحة حيت تادخل بزاف ديال ضرائب على تجارة لي تشهرات بيها هاد لمدينة، كيف ما دارو الأدارسة عملة خاصة بيهوم من لفضة.[4]

لعلوم

أهم لحوايج لي ميزات الحكم ديال الأدارسة عاود، هو جامع القرويين، لي تايتعتابر أقدم جامعة مزال محلولة لحدود ليوم، هاد جامع لي بناتو فاطمة لفهرية عام 895 م، بلفلوس لي ورتاتهم على باها لي كان تاجر كبير جا لفاس من لقيراوان، لي خلى هاد جامع يتشهر قد هكا هو لعلوم لي تطورات ديك لوقت بلفضل ديالو، حيت كان بحال مدرسة ولا جامعة تايجيو ليها طلبة لعلم من كل بلاصة باش يتعلمو لعلوم ديال دين و ديال لعقل، بحال طب ولمنطق وتفسير و غيرها، و كان هاد جامع تايوفر امكانية لناس باش يتعلمو نظريا و تطبيقيا.[4]

لائحة لحكام

م الحاكم العمر مدة الحكم
1 إدريس الأول ؟؟ -793 788-793
2 إدريس الثاني 793-828 807-828
3 محمد بن إدريس الثاني ؟؟ -836 828-836
4 علي (حيدرة) بن محمد ؟؟ -849  836-848
5 يحيى بن محمد ؟؟ -848 848-864
6 يحيى الثاني بن يحيى ؟؟ -874  864-874
7 علي بن عمر بن إدريس ؟؟ - ؟؟ 874-883
8 يحيى بن القاسم بن إدريس ؟؟ -904 883-904
9 يحيى بن إدريس بن عمر ؟؟ -934 904-917
10 الحسن بن محمد الباكماني ؟؟ - ؟؟ 905-922
11 القاسم كنون ؟؟ - ؟؟ 937-925
12 أبو العيش أحمد بن كنون ؟؟ - ؟؟ 948-959
13 الحسن بن كنون ؟؟ - ؟؟ 959-985

عيون لكلام

  1. "Euratlas Periodis Web - Map of Maghrib al Aqsa in Year 800". www.euratlas.net. مأرشيڤي من لأصل ف 24 أكتوبر 2018. تطّالع عليه ب تاريخ 2022-10-15.
  2. A History of the Maghrib in the Islamic Period, Jamil M. Abun-Nasr, 1987, p. 52
  3. "موسوعة بريطانيكا، سّلالة لإدريسية" (ب نڭليزية). مأرشيڤي من لأصل ف 2023-06-11. تطّالع عليه ب تاريخ 2022-03-08.
  4. فضاء الاجتماعيات، أحمد معطلا، مطبعة المعارف الجديدية، إصادر 2004، طبعة 2021
Wikimedia Commons تقدر تزيد شوف بزاف د تّصاور و لمعلومات ديال Idrisid dynasty ف ويكيميديا كومنز.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.