كوريا لجنوبية

كوريا لجنوبية، رسميا لجمهورية د كوريا (بلكورية: 대한 민국 ولاّ: 大韓民國) هي بلاد جات ف الشرق د آسيا، و بالضبط ف لجنوب ديال شبه لجزيرة د كوريا. تاتحدّها من الشمال كوريا الشمالية، من الشرق لبحر الصفر، و من لجنوب و لغرب لبحر د الجاپون. كوريا لجنوبية عندها حدود بحرية مع الجاپون و الشينوا. لأغلبية ديال لأراضي ديال لبلاد فيها الجبال، و لمساحة لكاملة د لأراضي ديالها هي 100.392 كيلوميطر مربع.[1]

كوريا لجنوبية
대한민국 (ko)
نشيد	آيڭوكڭا (1948)
لعاصيمة	سيول
الساكينة
شحال دالسكان	51,466,201 (2017)
السمية ديال السكان	كوري جنوبي، كورية جنوبية، كوريين جنوبيين, كوريات جنوبيات
اللوغات الرسمية	لكورية Korean Sign Language
متوسط ديال لعمر	82.02439 (2015)
لجغرافيا
لميساحة	100,295 كم²
لقمة لعالية	هالاسان (1,947 م)
لبلاصة الطايحة	بحر الجاپون (−2,985 م)
تاريخ
أعياد	راس لعام (1 يناير) رأس السنة الكورية (راس لعام الشينوي) سامليجيول (1 مارس) عيد ميلاد بوذا (نهار تامن ف شهر رابع شينوي) نهار الدراري الصغار (5 ماي) هييونشونڭيل (6 يونيو) ڭوانڭبوكجيول (15 غشت) شوسيوك (نهار 15 ف شهر تامن شينوي) ڭايشيونجيول (3 أكتوبر) نهار لهانڭول (9 أكتوبر) عيد لميلاد (25 دجنبر)
لإدارة
نضام الدولة	جمهورية و نضام رئاسي
رئيس كوريا الجنوبية	يون سوك يول
رئيس كوريا الجنوبية	يون سوك يول
لبرلمان	لجمعية لعامة
سلطة لقضائية لكبيرة	لمحكمة لعليا د كوريا لجنوبية
لقتيصاد
الناتج الداخلي لكامل	1,810,955,871,381 $ (2021)
مؤشر التنمية لبشرية	0.925 (2021)
لفلوس	وون كوري جنوبي
معلومات خرة
توقيت ديال لبلاد	توقيت كوريا لجنوبية ڭرينيتش +9 آسيا/سيول
رمز لبلاد	KR
رمز لانترنيت	‎.kr‎ و .한국
رمز التيليفون	+82
نماري د ليرجونس	112، 119 و 113
جيهة د صوڭان	ليمن
السيت الرسمي	korea.go.kr…

لأرض اللي فيها كوريا عندها تاريخ طويل و دازو فيها بزاف د لحضارات و لمملكات. أول مملكة وحدات كوريا كاملة هي لمملكة د كوريو ف عام 918. و ف 1392 طاحت هاد لمملكة و ولأّت بلاصتها مملكة جوسيون اللي بقات تال 1897، اللي هو التاريخ اللي حتلات فيه الجاپون لمنطقة، و اللي ولات رسميا طرف من لإمبراطورية د الجاپون ف 1910. من مورا لحرب لعالمية التانية، تقسمات كوريا على جوج، طرف د الشمال شيوعي تابع للإتحاد السوڤياتي، و طرف د لجنوب ليبيرالي تابع للميريكان. ما بين 1950 و 1953 ناضت حرب ما بين هاد الجوج طراف، و سالات باللي ولاّو رسميا جوج بلدان، هوما لجمهورية الديموقراطية الشعبية د كوريا ف الشمال ، و لجمهورية د كوريا ف لجنوب.

تيسكنو ف كوريا لجنوبية تقريبا 51.7 مليون د الناس، و لعاصمة ديالها هي سيول. تقريبا النص ديال السكان ديال لبلاد (25 مليون) ساكنين ف لعاصمة ولا النواحي ديالها. اللغة الرسمية د لبلاد هي لكورية، و لفلوس اللي كاتخدّم هي ل وون. كتر من النص د السكان د لبلاد ماعندهمش دين بضبط 56% (يعني لا دينيين)، الربع مسيحيين، و تقريبا 15% بوديين. كوريا لجنوبية عندها قتصاد صحيح بزاف و محسوبة ما بين الدول لمتقدمة ݣاع ف لعالم. هي داخلة مع بزاف د لمنضمات الدولية بحال لأمم لمتحدة و منضمة التجارة لعالمية و منضمة التعاون والتنمية و جي 20.