قرآن

القرآن ولّا القرَان[1]، اللي كيتسما تا القرآن الكريم، هو الكتاب المقدًس فالدين د الإسلام. بالنسبة ل لمسلمين، لقرآن هو لكلام ديال الله لي نزل على الرسول محمد، و لي فرقو على الناس كاملين. ف لإسلام تيتعتابر لقرآن هو آخر كتاب سماوي مورا الصحف د براهيم والزابور والتوارة و لإنجيل. تيآمنو لمسلمين بلي لقرآن معجزة ديال النبي محمد حيت تيتحدا ݣاع الناس باش يجيبو شي حاجة بحالو من الناحية د لبلاغة ولفصاحة.

تصويرة د لقرآن محلول.

لقرآن هو أقدم كتاب مكتوب بالعربية، وتيتعتابر هو الساس د القواعد د العربية و البلاغة ديالها. فيه 114 سورة مقسومة ما بين مكية يعني نزلو ف مكة ومدنية يعني نزلو ف لمدينة لمنورة هاد جوج مدون لي موجودين دروك ف سعودية. بقا لوحي د لقرآن 23 عام كان النبي محمد تيعاود فيها كل شوية على لآيات الجداد. تجمع لقرآن مورا ما مات النبي من الصحابة اللي كانوا تابعينو، وهوما اللي نضمو الترتيب والسميات د لآيات اللي كانعرفو دابا.

شقفة معدنية كاتصور لإسكندر لأكبر لفاتح د مصر لابس ڭرون د آمون. كان لإسكندر كيتعتابر ولد رّب آمون ف مصر لقديمة. على حساب لمفسرين راه ذو القرنين هوّا نيت لإسكندر.[2]

− −

لبترا سفلا. علا حساب لباحت ف تاريخ لإسلامي و لأركيولوجيا، دان ݣيبسون، كانت هادي هيّا لبلاصة فين تلقا فيها محمد لوحي لول وكانت لقبلة لّولة هي لبترا.[3]

علاياش كيهضر
سفينة نوح زبديت تفاريه. علا حساب شي عولاما، لأسطورة د ݣيلݣاميش مستعارة من لبابليين وعاود تفسّرات ف تّوراة و لقرآن.[4]

كيهضر القرآن على باش يخص يآمنو لمسلمين يعني لمعتقدات الإسلامية لي هيا وجود الله و يومت القيامة

وكيعاود على الأنبيا ولقصص ديالهم ولقصة ديال النبي محمد وبعض لعبادات بحال الزكا و لأحدات التاريخية والصدقة و الصلاة.

عيون لكلام
  1. https://archive.org/details/ADictionaryOfMoroccanArabicMoroccanEnglishEnglishMoroccan/page/n131/mode/2up
  2. http://turkoloji.cu.edu.tr/mine_mengi_sempozyum/ismail_avci_iskenderi_zulkarneyn_ve_hizir.pdf
  3. Dan Gibson: Qur'ānic Geography (2011
  4. https://dergipark.org.tr/tr/download/article-file/557354

شوف تا
Wikimedia Commons تقدر تزيد شوف بزاف د تّصاور و لمعلومات ديال Qur'an ف ويكيميديا كومنز.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.