فرانتس كافكا

فرانتس كافكا (مزيود ف 3 يوليوز 1883، توفّا ف 3 يونيو 1924) كاتب روائي بوهيمي ناطق ب لألمانية. بوهيميا كانت ديك الساع تابعة ل لإمبراطورية لأسطروهنڭارية، و دابا راها منطقة ف التشيك. كافكا كيتّعتابر من أهم الشخصيات لأدابية ديال لقرن 20.[1]

فرانتس كافكا
معلومات عامة
زيادة	3 يوليوز 1883 پراڭ (الإمبراطورية النمساوية المجرية)
لموت	3 يونيو 1924 (40 عام) Kafka Sterbehaus (لوطريش)
طريقة دلموت	موتة طبيعية
سباب لموت	Laryngeal tuberculosis
لجنسية	تشيكوصلوڤاكيا (1918–1924) سيسليثانيا (1883–1918)
لحرفة	روائي، كاتب رمزي، كاتب قصص قصيرة، حكيم، كتاتبي د ليوميات، موطرجيم، محامي، سيناريست، شاعر قانوني، خبير تسوية المطالبات، ناثر و كاتب
لّوغات لي كيعرف	لألمانية و التشيكية
لفاميلة
لواليد	Hermann Kafka
لواليدة	Julie Kafka
خوت	Elli Kafka، Valli Kafka و Ottla Kafka
شريك	لا قيمة
لولاد	لا قيمة
لإتنية	يهود
معلومات خرى
دين	يهودية
لأعمال	(1912) أمريكا (1912) رواية المسخ (1914) المحاكمة (1915) أمام القانون (1922) القلعة
ستيل	تاعصرييت، أدب جميل، قصة قصيرة، pritcha، رواية و أدب وجيز
تأتر ب	هاينريش فون كلايست، جوستاف فلوبير و روبرت فالسر
سّيت رّسمي	https://www.franzkafka.de

لأعمال ديالو، فيها روايات و قيصاص قصيرة، لي كاتدمج عناصر د لواقعية معا لفنطازيا. الطيم لي كيتعاود فيهوم بزاف هوّا ديال شخصية رئيسية لي كاتحس بلي معزولة و كاتواجه ضروف غريبة و سريالية، تحت ضغط ديال قوة بيروقراطية ؤلا جتيماعية مامفهوماش. الطيمات لخرين لي كيتعاودو ف لأعمال ديالو منهوم الستيلاب، لقلق لوجودي، و اللامعقول.

جميع لكتوبا ديال كافكا ألّفهوم ب لألمانية، من غير شي بريّات لي كتبهوم ب التشيكية. كافكا كان خلا جميع لأعمال ديالو، تا لي ماكانتش تنشرات ف وقتو، ل صاحبو ماكس بروض، و كتب ف وصيّتو باش يتحرقو جميع دوك لأعمال ملي يموت. بروض وخا داكشي ماتبّعش لوصية و نشر لأعمال د كافكا لي بدات كاتجلب هتيمام كبير من عند لجمهور. كافكا كان كيرسم بزاف، ولاكين أغلب الرسمات ديالو ضاعو و ما تّلقاو منهوم غير 40 رسمة.