غينيا بيصاو


لجمهورية د غينيا بيصًاو (بلبرتغالية: República da Guiné-Bissau) هي بلاد جات ف لغرب د إفريقيا وتاطّل على لمحيط لأطلسي. تاتحدًها السينيݣال من الشمال و غينيا من لجنوب و الشرق، و لمحيط لأطلسي من لغرب.[1]

غينيا بيصاو

República da Guiné-Bissau (pt)

نشيدهادي هي بلادنا اللي كانبغيو

[[فيشي:|100px]]

لعاصيمةبيساو
الساكينة
شحال دالسكان1,861,283 (2017)
السمية ديال السكانغيني بيساوي، غينية بيساوية، غينيين بيساويين, غينيات بيساويات
اللوغات الرسميةلبرتغالية
متوسط ديال لعمر59.86 (2022)
لجغرافيا
لميساحة36,125 كم²
لقمة لعاليةMonte Torin (300 م)
لبلاصة الطايحةلمحيط لأطلسي (0 م)
لإدارة
الرئيس د غبينيا بيصّاوعمرو سيسكو إمبالو
رئيس لووزارا د غينيا بيصّاونونو نابيان
لبرلمانالتجمع لوطني الشعبي
لقتيصاد
الناتج الداخلي لكامل1,638,517,607 $ (2021)
لبيطالة (شوماج)7 % (2014)
مؤشر التنمية لبشرية0.483 (2021)
لفلوسلفرنك لغرب إفريقي
معلومات خرة
توقيت ديال لبلادڭريتينش
Africa/Bissau
رمز لبلادGW
رمز لانترنيت‎.gw‎
رمز التيليفون+245
نماري د ليرجونس112، 119، 121 و 180
جيهة د صوڭانليمن
السيت الرسميgov.gw

غينيا بيصًاو كانت تابعة للإمبراطورية التاريخية د مالي، و موراها للمملكة د كابو. شي بلايص بقاو تابعين لديك لمملكة تال لقرن 18، و لكن شي بلايص ستعمراتهم لبرتغال من لقرن 16. ف لقرن 19 ولاّت لمنطقة كاملة مستعمرة ديال لبرتغال، و تسمّات "غينيا لبرتغالية". ملّي ستاقلات لبلاد ف 1974، زادت "بيصّاو" لسميتها باش ما تتخلّطش مع غينيا لفرانساوية، اللي سبقاتها وستاقلات ف 1958، و خدات السمية د غينيا.

تيسكنو ف غينيا بيصًاو تقريبا 1.8 مليون د الناس و لعاصمة ديالها و أكبر مدينة فيها هي بيصّاو. اللغة الرسمية د لبلاد هي لبرتغالية، ولكن تيهضروها غي 2% د الناس. الناس لاخرين تيهضرو بيناتهم اللغات لمحلية د لبلاد بحال لكريول اللي تيهضروه 54% د السكان. لفلوس اللي كاتخدّم ف غينيا هي لفرنك لغرب إفريقي، و لأديان اللي كبيرة ف لبلاد هي لمسيحية (62%) و لإسلام (38%).

غينيا بيصًاو داخلة مع بزاف د لمنضمات دولية بحال لأمم لمتحدة و ليتيحاد ليفريقي و لمجتمع لقتصادي د الدول د غرب إفريقيا، منضمة التعاون لإسلامي، لمجتمع د الدول د اللغة لبرتغالية، و لمنضمة لعالمية د لفرونكوفونية.

عيون لكلام

  1. "Britannica, Guinea-Bissau". مأرشيڤي من لأصل ف 2023-09-01. تطّالع عليه ب تاريخ 2023-02-22.
Wikimedia Commons تقدر تزيد شوف بزاف د تّصاور و لمعلومات ديال Guinea-Bissau ف ويكيميديا كومنز.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.