عومان (بلاد)

عومان ولاّ عٌمان، رسميا سلطنة عٌمان هي بلاد جات ف لغرب ديال آسيا، و بالضبط ف لجنوب لغربي ديال شبه لجزيرة لعربية. تاتحدّها لإمارات من الشمال لغربي، السعودية من لغرب، ليامان من لجنوب لغربي و لخليج لفارسي من الشرق و لجنوب. عٌمان عندها تا حدود بحرية مع إيران و پاكيستان.

ل معاني وحدين خرين، شوف عومان.

عومان
سلطنة عُمان (ar)
نشيد	النشيد لوطني د عٌمان [[فيشي:|100px]]
لعاصيمة	مسقط
الساكينة
شحال دالسكان	4,829,480 (2018)
السمية ديال السكان	عوماني، عومانية، عومانيين, عومانيات
اللوغات الرسمية	عربية
متوسط ديال لعمر	77.029 (2016)
لجغرافيا
لميساحة	309,500 كم²
لقمة لعالية	جبل شمش (3,100 م)
لبلاصة الطايحة	غار مجلس الجن (−120 م)
لإدارة
نضام الدولة	ملكية مطلقة
سلطان عمان	هيثم بن طارق
سلطان عمان	هيثم بن طارق
لبرلمان	مجلس عومان
لقتيصاد
الناتج الداخلي لكامل	88,191,977,373 $ (2021)
لبيطالة (شوماج)	16 % (2017)
مؤشر التنمية لبشرية	0.816 (2021)
لفلوس	ريال عماني
معلومات خرة
توقيت ديال لبلاد	ڭرينيتش +4 Asia/Muscat
رمز لبلاد	OM
رمز لانترنيت	‎.om‎
رمز التيليفون	+968
نماري د ليرجونس	968 و 112
جيهة د صوڭان	ليمن
السيت الرسمي	oman.om

عومان بلاد عندها تاريخ طويل و محسوبة هي لبلاد اللي بقات مستاقلة بزاف من بين لبلدن اللي كاتّهضر فيها لعربية. ف لقرن 15، كانت إمبراطورية صحيحة كاتنافس مع لبرتغال وبريطانيا على شكون يحكم لخليج لفارسي و لمحيط لهندي. ف لقرن 19، كانت هاد لإمبراطورية تاتحكم من لمضيق د هرمز (ما بين إيران و پاكيستان) تال زانزيبار (ف طنزانيا دابا).

تيسكنو ف عومان تقريبا 5 د لمليون د الناس، و لعاصمة ديالها هي مسقط. اللغة الرسمية ديال لبلاد هي لعربية و لفلوس اللي كاتخدّم هي الريال لعوماني. النظام د لحكيم ديال لبلاد وراتي، و السلطان ديال دابا هو هيثم بن طارق آل سعيد. سلطنة عمان مافيهاش أحزاب سياسية (ممنوعين ف الدستور)[1]، و لكن أي واحد فوق 21 عام يقدر يصوّت على لأعضاء ديال مجلس الشورى. هي عضو ف بزاف د لمنضمات الدولية بحال لأمم لمتحدة و لجامعة د الدول لعربية و منضمة التعاون لإسلامي و لحركة د عدم لإنحياز و لمجلس د التعاون لخليجي.