عبد الواحد الراضي


عبد الواحد الراضي (مزيود ف 4 يناير 1935 ف سلا، توفّى ف 26 مارس 2023 ف بولون-بيانكور ف فرانصا)، سياسي مغريبي، من لمؤسسين ديال لإتحاد لوطني د لقوات الشعبية و ديال لإتحاد لوطني ديال طلبة لمغريب. شغل منصب ديال وزارة التعاون و وزارة لعدل، و كان رئيس د لبرلمان.

عبد الواحد الراضي
معلومات عامة
زيادة4 يناير 1935
سلا
لموت26 مارس 2023 (88 عام)
بولون-بيانكور
لجنسيةلمغريب
لحرفةسياسي و ؤستاد جاميعي
لّوغات لي كيعرفعربية و لفرانساوية
لفاميلة
لمحيطياسين الراضي (ابن الأخ)
معلومات خرى
لحيزبتيحاد شتيراكي د لقوات شعبية
لجوايز

كان كيتلقّب ب "شيخ لبرلمانيين" حيت بقى شاد لمنصب ديال نائب ف لبرلمان من 1963 بلا نقطاع، و كان كيتّعتابر أقدم برلماني ف لعالم.[1][2]

ف 2017، صدّر سيرة داتية ديالو ف كتاب ب عنوان "المغرب الذي عشته".

حياتو

تّولد ف مدينة سلا و تابع دراستو لبتيدائية فيها، نتاقل موراها ل الرباط و جاب لباكالوريا و لتاحق ب جامعة السوربون ف پاري باش يكمّل دراستو الجامعية.

كان عبد الواحد الراضي من لمؤسسين ديال لإتحاد لوطني د لقوات الشعبية سنة 1959.

كيما ساهم ف 1955 و 1956 ف تأسيس عدد ديال الجمعيات التربوية و التقافية و لمونضّامات النقابية، بحال حركة الطفولة الشعبية و الجمعية لمغريبية د تربية الشبيبة و لإتحاد لوطني ديال طلبة لمغريب.

ساهم معا المهدي بن بركة ف لإعداد و لإشراف على لبني ديال طريق الوحدة ف بدية مرحلة ستيقلال لمغريب.

لكاريير

النشاط النقابي و السياسي

مابين 1958 و 1960 تّنتاخب كاتب عام د فيدرالية لإتحاد لوطني ديال طلبة لمغريب ف فرانسا، فاش كان كيدير دراستو لعليا. و كان من لمؤسسين و لمسؤولين ديال كونفدرالية طلبة شمال إفريقيا.

تّنتاخب عضو ف لمجلس الوطني ديال لإتحاد لوطني د لقوات الشعبية عام 1962 ، و موراها عضو ف اللجنة لإدارية ديالو عام 1967.

و تّنتاخب عضو ف لمكتب السياسي ديال لإتحاد لإشتراكي د لقوات الشعبية من 1989. و ف عام 2003، تّنتاخب نائب ل لكاتب اللول د لحيزب، و من بعد كاتب لول د لحيزب خلال لمؤتمر لوطني التامن د لحيزب عام 2008.[3][4]

التعليم

خدم كا ؤستاد ديال لپسيكولوجيا لإجتماعية ف لجامعة د محمد لخامس ف الرباط، و تولّى مهمة ديال لكاتب لعام د النقابة لوطنية د التعليم لعالي من 1968 ل 1974، و هي نفس لفترة لي ترأس فيها شعبة د لفلسفة و الصوسيولوجيا و لپسيكولوجيا ف كلية لأداب و لعولوم لإنسانية.

لبرلمان

تّنتاخب الراضي من 1963 نائب برلماني على دائرة سيدي سليمان لغرب، و عاود تّنتاخب عضو ف مجلس النواب خلال لولايات التشريعية د 1977-1984 و 1984-1993 و 1993-1997 و 1997-2002 و 2002-2007، و مابين 2007 و 2012.[5]

تولّى خلال لولاية التشريعية 1963- 1964 رئاسة لجنة الوضيفة لعومومية و لإصلاح لإداري و مهمة نائب رئيس لفريق لإتحادي ف مجلس النواب.

ف عام 1993 تّنتاخب نائب لول ل رئيس مجلس النواب و موراها رئيس د لمجلس خلال الجوج ولايات د 1997 – 2002 و 2002 – 2007.

مونضّامات دولية

ف عام 1984 تعيّن أمين عام د لإتحاد لعربي لإفريقي لي كان كايضم لمغريب و لجماهيرية الليبية. و تّنتاخب ف أكتوبر 1998 رئيس مشارك ف لمنتدى لبرلماني لأورو متوسطي ب جنب رؤساء لبرلمان لأوروبي خلال لفترة من 1998 تال مارس 2004، تاريخ لي تحوّل فيه لمنتدى ل جمعية برلمانية أورو متوسطية لي كان الراضي واحد من أهم لمؤسسين ديالها.

و تولّى رئاسة مجلس الشورى ديال إتحاد لمغرب لعربي من شتنبر 2001 تال مارس 2003. و ترأس إتحاد مجالس الدول لأعضاء ف منضمة التعاون لإسلامي من 2001 تال 2004.

لوزارة

عينو لماليك لحسن التاني وزير د التعاون عام 1983. و ف 15 أكتوبر 2007 عينو لماليك محمد السادس وزير د العدل.

أعمال

  • عبد الواحد الراضي (2017). حسن نجمي (إيديتور). المغرب الذي عشته: سيرة حياة (ب لعربية). OCLC 1021048063. ردمك 9789954965740.

عيون لكلام

  1. "عبد الواحد الراضي.. برلماني مغربي لم يغادر مقعده منذ 1963". 2021-09-11. مأرشيڤي من لأصل ف 2023-03-26. تطّالع عليه ب تاريخ 2023-03-26.
  2. "عاجل: وفاة عبد الواحد الراضي الكاتب الأول السابق لحزب الاتحاد الاشتراكي للقوات الشعبية". 2023-03-26. مأرشيڤي من لأصل ف 2023-06-09. تطّالع عليه ب تاريخ 2023-03-26.
  3. "عبد الواحد الراضي وزير العدل". الإتحاد الإشتراكي. تطّالع عليه ب تاريخ 19 فبراير 2012.
  4. "عبد الواحد الراضي.. المهووس بالسياسة إلى آخر رمق". 2023-03-26. تطّالع عليه ب تاريخ 2023-12-04.
  5. "انتخاب-السيد-عبد-الواحد-الراضي-رئيسا-ل-16751.html انتخاب السيد عبد الواحد الراضي رئيسا لمجلس النواب". بوابة وجدة. مأرشيڤي من لأصل ف 2010-04-13. تطّالع عليه ب تاريخ 19 فبراير 2012.
  • إيكون د قيساريةقيسارية شخصيات
  • إيكون د قيساريةقيسارية السياسة
  • إيكون د قيساريةقيسارية لمغريب
  • إيكون د قيساريةقيسارية سلا
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.