عبد السلام عامر


عبد السلام عامر ( تولد ف لقصر لكبير ف 1939 - مات ف 14 ماي 1979 ف الرباط) كان ملحن و موسيقار مغريبي، من لملحنين لمشهورين د لقرن 20. عامر كان بصير (تعما ملّي كانت عندو عاماين[1])، ولكن كانت عندو موهبة كبيرة وتيتفكّر أي حاجة تيسمع، و هو اللي خلاه يمشي بعيد ف لموسيقا، و يحلّن أغاني معروفة بحال "لقمر لحمر" (عبد لهادي بلخياط) و "راحلة" (محمد لحياني).

عبد السلام عامر
معلومات عامة
زيادة1939
لقصر لكبير
لموت14 ماي 1979 (39/40 عام)
الرباط
لجنسيةلمغريب
لحرفةفنان موسيقي و ملحّين
Discogs: 3231465 Modifica els identificadors a Wikidata

لإنقلاب د الصخيرات

ف 1971، ملّي غادي توقع لمحاولة د لإنقلاب د الصخيرات، كان عبد السلام عامر ݣالس مع عبد لحليم حافض ف لمقر د لإداعة ف الرباط، تا دخلو عليهم لعسكر. ف اللول قالو لعبد لحليم يقرا لبيان ديالهم ديال لإنقلاب (اللي تيعلنو فيه على لجمهورية ديال لمغريب) ولكن قاليهم هو ماشي مغريبي و ما يقدرش. من بعد قالو لعامر يعاود موراهم داكشي اللي أيقراو عليه ف الراديو، و داكشي اللي دار.

من مورا ما فشل لإنقلاب تقبط عامر و من موراها تطلق[2]، و لكن تهمش و ما بقا باغي يخدم معاه تا واحد.[3] مات صغير (ف عمرو 40 عام) ملّي دار عملية على الدودة الزايدة.[4]

عيون لكلام
  1. "عبد السلام عامر… كفيفا أطل ليستحم الخلود في لحنه ثم رحل! 2/1 - مرايانا (2021)". مأرشيڤي من لأصل ف 2023-02-02. تطّالع عليه ب تاريخ 2022-07-20.
  2. "بنجلون: عامر كان ناصريا ولهذا قرأ بيان الإطاحة بالحكم الملكي يوم محاولة انقلاب الصخيرات - فبراير (2014)". مأرشيڤي من لأصل ف 2022-07-20. تطّالع عليه ب تاريخ 2022-07-20.
  3. "عبد السلام عامر: بانقلاب الصخيرات… انقلبت حياته! 2/2 - مرايانا (2022)". مأرشيڤي من لأصل ف 2022-11-29. تطّالع عليه ب تاريخ 2022-07-20.
  4. "انقلاب الصخيرات يلقي بظلاله على وفاة عبد السلام عامر ملحن «راحلة» و«القمر الأحمر» - المساء (2011)". مأرشيڤي من لأصل ف 2016-12-25. تطّالع عليه ب تاريخ 2022-07-20.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.