عبدالله براهيم

عبدالله براهيم، تولد ف 24 غشت 1918 ف مراكش ومات نهار 11 شتنبر 2005 ف دار لبيضا، كان سياسي مغريبي.

عبدالله براهيم
معلومات عامة
زيادة24 غشت 1918
إقليم لحوز
لموت11 شتنبر 2005 (87 عام)
الدار البيضا
لجنسيةلمغريب
لحرفةسياسي
لّوغات لي كيعرفعربية و نڭليزية
لفاميلة
لمحيطعبد القادر حسن العاصمي (نسيب)
نزار براهيم (حفيد)
معلومات خرى
لحيزبتيحاد لوطني د لقوات شعبية (1959–2005)
حيزب ستيقلال
لجوايز


حياتو

تولد عبدالله براهيم ف درب حمان ف حي لمواسين د لمدينة لقديمة د مراكش[1] ولا ف تامصلوحت[2] نهار 24 غشت 1918 ف وسط عائيلة غنية، باه مولاي براهيم شريف إدريسي بن أحمد كان خدام ف لبيع وشرا ديال ماكن د لفلاحة وكانت عندو دار دباغة ؤ مصبانة، زيد عليها لأراضي لي كانت عندو ف ؤريكا، أغمات، أمزميز ؤحتا ف مراكش؛ مو سميتها فاطمة سنتيسي أصلها سوسي.[1]

ف47-1946، كان هو لمغريبي لوحيد لي مقيد ف لمدرسة تطبيقية ديال دراسات لعليا ف باريز.[3]

ف 7 دجنبر 1955 تعين عبدالله براهيم كاتيب دولة ف لإعلام ف حوكومة لبكاي لولا، موراها ف 3 دجنبر 1956 ف حوكومة لبكاي تانية ولا وزير ديال شغل ؤشؤون جتيماعية حتال 1958.[4]

ف 24 دجنبر 1958 تعين براهيم رئيس د لمجليس (حوكومة)[4]، ؤدار إصلاحات قتيصادية مهمة ف لبلاد.[5]

ف 25 يناير 1959، عبدالله براهيم معا يساريين وحداخرين نشقو من حيزب ليستقلال، ودارو حيزب جديد سماوه تيحاد لوطني للقوات شعبية.[5] عبدالله براهيم بقا ف هاد لحيزب ؤ رفض ينضم لتيحاد شتيراكي للقوات شعبية حتا مات ف 11 شتنبر 2005 ف دار لبيضا.[6]

كتوبا ديالو

  • أوراق...من ساحة النضال (1975)
  • صمود وسط الإعصار : محاولة لتفسير تاريخ المغرب الكبير (1976)
  • الإسلام في آفاق سنة ألفين (1979)
  • بالذكاء وقوة الكلمة : مقاربات للحوار مع الشعر والشعر العربي والشعر الغربي الحديث (1990)
  • المسألة السكانية وبنية المجال العربي (1991)
  • نداء الحرية بين المغرب العميق والمغرب الجديد (1995)
  • ثورة تقدمية ذات طابع تاريخي : تصطدم بقوة رجعية مضادة 1944-1995 (1995)
  • ثورة العقل (1999)

عيون لكلام

  1. "عبد الله إبراهيم، رئيس أول حكومة يسارية في المغرب : مولد قائد وطني بمدينة مراكش 1". مأرشيڤي من لأصل ف 2022-08-16. تطّالع عليه ب تاريخ 2020-02-23.
  2. "Abdellah Ibrahim ou la mauvaise conscience du Maroc". مأرشيڤي من لأصل ف 2022-10-23. تطّالع عليه ب تاريخ 2020-02-23.
  3. "Liste des auditeurs inscrits pendant l'année scolaire 1946-1947". مأرشيڤي من لأصل ف 2022-06-17. تطّالع عليه ب تاريخ 2020-02-23.
  4. "حوكومات لمغريب" (PDF). مأرشيڤي (PDF) من لأصل ف 2020-07-19. تطّالع عليه ب تاريخ 2020-02-23.
  5. "Il y a 60 ans… naissait l'UNFP". مأرشيڤي من لأصل ف 2021-06-18. تطّالع عليه ب تاريخ 2020-02-23.
  6. "Abdallah Ibrahim, figure marquante de l'indépendance marocaine". مأرشيڤي من لأصل ف 2021-12-04. تطّالع عليه ب تاريخ 2020-02-23.
Wikimedia Commons تقدر تزيد شوف بزاف د تّصاور و لمعلومات ديال Abdallah Ibrahim ف ويكيميديا كومنز.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.