سوس

سوس (بتشلحيت: ⵙⵓⵙ سوس و بلعربية: سوس الأقصى) هي منطقة تاريخية وثقافية وجغرافية ف المغريب ، ومقسمة على ثلاث جهات: جهة الحوز وجهة سوس ماسة و ݣلميم واد نون. تعرفات هاد لمنطقة بشجر ديال أرݣان (لي ولات من الرموز ديال سوس) و تا زعفران (فمنطقة تاليوين) بالإضافة انها كاتعتابر عاصمة ديال الشلوح. و هي مهد ديال سلالات المرابطين والموحدين والسعديين و حتى مملكة تازروالت فواحد لوقيتا.

لحدود لجغرافية لمنطقة سوس ف أواخر لقرن 19.[1]

سوس منطقة زراعية تجارية وسياحية موهيما بزاف فلمغريب. كاتساهم زراعة الحدائق، لي كايتقاسمها المزارع لكبيرة و لمنتجين الصغار ، ف التنمية الاقتصادية ديال لمنطقة. سهل سوس لي هو واحد المنطقة كاينا ف واحد السهل ف الجنوب د الأطلس لكبير و ف الغرب د الأطلس الصغير[2] بوحدو كاينتج 40٪ من الموالح المغربية و 60٪ من لإنتاج ديال لخضرا.[3] كانت سوس تاريخيا طريق ديال التجار لي كايجيو ولا لي غادين لصحرى.

التاريخ
قبائل ديال سوس فعهد المنصور الدهبي ف 1580

كانت سوس ديما من المناطق اللي الفلاحة فيها مزيانا. تعرفات من القرن 11 بالزراعة والتصدير ديال الزيتون و السكر.

سوس تعرفات بزاف ف القرن 17 ملي كانت واحد المملكة ف تازروالت اللي خلات المنطقة مستقلة وشادا ف بزاف ديال التجارة د الدهب ف الصحرا. كانو تايبيعو حتا السكر ل التجار من لبرتغال و هولاندا و النݣليز.

كانت أݣادير فديك الوقيتا واحد المركز كبير ديال التجارة مع الخارج.

السكّان

الأغلبية د الناس ديال سوس من لأمازيغ و تايهضرو بزاف ب الشلحة (تاشلحيت). الناس ديال سوس تايتسماو ف لمغريب ب السوسيين ولا السواسة.

بزاف ديال الناس ساكنين حدا المدينة ديال أݣادير و للي تاتلقب ب لعاصمة ديال سوس. كاين مدن كبيرة ف سوس بحال تارودانت، تيزنيت، إينزݣان، أيت ملول و الدشيرة.

كتب لمختار سوسي على الناس للي سكنو ف سوس من لعرب اللي جاو من الشرق و كيفاش عاشو مع سواسا.[4]

الطبيعة
الطبيعة ديال سوس و الشجار ديال أرݣان.

لمنطقة ديال سوس معروفة ب الطبيعة ديالها. فيها البحر و الجبال و الخضورية و الوديان. المنطقة معروفة ب الغابات ديال أرݣان و لفلاحة و حتى زعفران.[5]

سواسا معروفين

شوف حتا

عيون لكلام
  1. https://i.skyrock.net/5553/57525553/pics/2317863495_4.jpg
  2. https://www.worldcat.org/title/souss-massa-river-basin-morocco/oclc/974471754
  3. Mohamed Boujnikh et André Humbert « L’eau dans le bassin du Souss : concurrences et désorganisation des systèmes paysans »
  4. "مقدمة كتاب إيليغ قديما وحديثا للفقيه العلامة الوزير سيدي محمد المختار السوسي". Archived from the original on 2020-07-11. تطّالع عليه ب تاريخ 2020-10-04.CS1 maint: unfit url (link)
  5. محمد المختار السوسي. خلال جزولة.


Wikimedia Commons تقدر تزيد شوف بزاف د تّصاور و لمعلومات ديال Souss (Morocco) ف ويكيميديا كومنز.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.