سناء عكرود

خذات سناء عكرود شهادة لباكلوريا، ودخلت لمعهد لعالي للفن لمسرحي و التنشيط الثقافي ف الرباط، ولكن لمعهد توقف بسبب لأشغال ولإصلاحات، فغيرت لوجهة مؤقتا لكلية لحقوق، و قرات فيها عامين، و عاودات تقدمت لمعهد و تقبلات فيه.[3][4] و ف عامها الرابع ف لمعهد، ختارتها لمخرجة المغربية فاطمة بوبكدي ل بطولة فيلمها التلفزيوني "الدويبة" فا رفضات لقناة الثانية سناء عكرود حيث هي غا طالبة و مامعروفاش عند لجمهور لمغريبي، ولكن لمخرجة أصرت فا قبلوها.[3][5]

ف 2009 تزوجت سناء عكرود ب لممثل ولمنتج لمغريبي محمد مروازي و ولدات معاه زوج ولاد "زينة" و "المهدي"، راجلها كان عندو طفل خر من طليقتو لمخرجة ليلى التريكي.[3][6] ف 2019 علنت سناء ف حسابها ف إنسطاڭرام طلاقها من راجلها بعد 10 سنين ديال الزواج.[7][8][9][10] لكنهم رجعو لبعضياتهم من بعد.[11][12][13][14]

• جايزة أحسن إنتاج درامي لفيلم «الفصول الخمسة»
• جايزة أحسن دور نسائي ف مهرجان مكناس لفيلم تلفازة لمغريبية
• جايزة أحسن دور نسائي لمسلسلي عقبة ليك ورمانة وبرطال
• جايزة أحسن فيلم و جايزة لجنة تحكيم لخاصة و جايزة تنويه لتشخيص سناء عكرود ف الدورة 36 لمهرجان سينمائي دولي لرؤى أفريقيا لفيلمها ميوبيا.[15][16][17][18]