سبت

سّبت هوّا نهار ف سّيمانة جا مور جّمعة ؤ قبل لحد. يلا مشينا معا تّيفاقية د إيزو 1086 لي كاتضبط تّواصل ؤ لمعلومات لمتعلقة ب زّمان ؤ لعبار ديالو، سّبت كيتّعتابر هوّا نّهار سّات ف سّيمانة. بعض لكالوندريات كيديرو سّبت هوّا نّهار سّابع، ب عتيبار بلي لحد هوّا لّول، ؤ حتا عند لعرب لقدام، كانت سّيمانة كاتبدا ف لحد. منّها جاو سّميات ديال جميع نّهارات من غير جّمعة على حساب تّرتيب ديالهوم ف سّيمانة.

كوكب ساتورن (زحل) لي تسمّا عليه نهار السبت ف بعض اللوغات، بحال ف النݣليزية Saturday

ف لّوغات لؤروپية، سّمية د سّبت جات من سّمية ديال لكوكب ساتورن و ديال ساتورن رب معبود ف دّيانة رّومانية لقديمة. منها Saturday ب نّݣليزية (نهار ديال ساتورن)، ؤ Samedi ف لفرانساوية من لّاتينية sambati dies.[1]