رشمة

الرشمة[ن.ل 1] (ب لعربية: رمز‎، ب نّݣليزية: symbol) هيّ واحد لعلامة ؤلا كلمة لي كاتشير، كاتعني، ؤلا كاتّفهم ب عتبارها كاتمتّل واحد لفكرة، ستون ؤلا علاقة. الرشمات كيخلّيو بنادم يتجاوز داكشي لي معروف ؤلا لي كيتشاف، باش يديرو علاقات بين مفاهيم ؤلا تجارب مامتعلقاش مبدئيا معا بعضياتها.

بوتمن ضلوع حمر كيرشم ل بلاكة وقف وخا تا حاجة ماتكون مكتوبة فيه
لبانضة لبيضا لمربوطة ب هاد الشكل كاترشم عادةً ل التضامن معا شي قضية ؤلا حملة، متلاً ضد لكونصير

التواصل و لپروصيصاج د الداطا كيعتامدو بشكل كامل على التخدام د الرشمات. الرشمات كياخدو الشكل ديال كلمات، أصوات، حاراكات ب ليد، فكرة، ؤلا تصويرة، و كيتخدّمو باش يوصّلو أفكار خرين ؤلا معتقدات. متلاً بوتمن ضلوع لونو حمر أغلبية د الناس غادي يفهموه بلي كيعني بلاكة سطوپ، وخا تا كلمة ماتكون مكتوبة فيه.

الرشمات وسيلة د التواصل لمعقد، و نفس الرشمة يقدرو يكونو عندها شلا معاني على شحال من مستوى.[2] الرشمات هوما الساس ديال لفهامة عند بنادم، و هوما باش كيتم التبادل ديال لمعرفة.[3] حيت الرشمات هوما باش بنادم كيفهم و كيحكم على لعالم لي ضاير بيه، كيدخلو تا ف إطار لهوية و التعاون ف لمجتمع. التقافات د بنادم كيستعملو الرشمات باش يعبّرو على قلدات جتيماعية، إديولوجيات، و مضاهر خرين لي كيخصّو كلا تقافة.

نوطات لوغاوية
  1. الرشيم ؤلا الرقيم ف الداريجة هوّ الطرز. لمرا لي كاتدير الطرز كاتسمى رشّامة ؤلا رقّامة. هاد لكلمة أصلها من لفيعل "رشم" لي كيعني "كتب" ؤلا خلّا شي أتار[1]

عيون لكلام
  1. محمد بوسلام (2018). معجم الدارجة المغربية: الجذور و الاختلافات الجهوية، الجزء 2. ص. 169. ردمك 9789920352208.
  2. Womack, Mari (2005). Symbols and Meaning: A Concise Introduction. California: AltaMira Press.
  3. Langer, Susanne K (1953). A Theory of Art, Developed From: Philosophy in a New Key. New York: Charles Scribner's Sons.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.