راجل

رّاجل هو لإنسان دكر لي بالغ. هو لعكس ديال لمرا. نّاس كايستعملو كلمة راجل ف لمفرد، و رجال ف لجمع فاش كيهضرو على لجنس لبيولوجي. رّجولة هي لوقت فاش تايكبر لإنسان دكر و ماتايبقاش دري. بحال ݣاع تّدييات دّكورا لخرين، رّاجل كايورت لكروموزوم X من لأم ديالو، و لكروموزوم Y من لأب ديالو. فاش كايوصل بنادم دكر ل لبولوغ، كيطراو تغييرات فيزيولوجية، ب إنتاج ديال هورمونات بحال لانضروجين ؤ تّيسطوسطيرون لي كاتأدي ل ضوهور لخاصيات لجنسية تّانوية، لي كاتزيد ف تّباين مابين جّوج جناس. عند رّاجل كايبان هادشي متلاً ب قلدة ݣلضمية كبر من ديال لمرا، شعر د لوجه، ؤ نسبة د شّحمة ف لكسدة قل من ديال لمرا.[1][2][3]

راجل

رّاجل كيتميّز أيضا ب أعضاء تناسلية لي ماكاينينش عند لمرا، بحال لقضيب، لبيضات، تّيو د لماني، ؤ لپروسطاط.

لأعضائ تناسلية ديال رّاجل و لأعضاء لي حداها.

رّاجل و لمرا كيقدرو يجيوهوم نفس لأمراض لجنسية، ولكن كاينين بعض لأمراض لجنسية لي تايكونو غير عند رّاجل (متلا لي كيقيسو لأعضاء لي كاينين غير عند رّاجل، بحال لبيضات) ؤلا غير عند لمرا، أولا تايكونو عند رّاجل كتر من لمرا ؤلا لعكس.

Wikimedia Commons تقدر تزيد شوف بزاف د تّصاور و لمعلومات ديال Men ف ويكيميديا كومنز.
تصاور ديال رجال معروفين

عيون لكلام

  1. Bjorklund DF، Blasi CH (2011). Child and Adolescent Development: An Integrated Approach. Cengage Learning. pp. 152–153. ردمك 978-1133168379.
  2. "Primary & Secondary Sexual Characteristics". Sciencing.com. 30 أبريل 2018. مأرشيڤي من لأصل ف 2023-03-07. تطّالع عليه ب تاريخ 2022-01-22.
  3. Encyclopedia of Reproduction. Elsevier Science. 2018. ص. 103. ردمك 978-0-12-815145-7. مأرشيڤي من لأصل ف 2023-01-19. تطّالع عليه ب تاريخ 2022-01-22.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.