خالد أيت طالب


خالد أيت طالب (مزيود ف 8 يوليوز 1968 ف رّباط) هوّا وزير د صّحة ف لحوكومة د أخنوش من 14 أكتوبر 2021، ؤ كان قبل ف نفس لمنصب ف لحوكومة د لعتماني تّانية من 9 أكتوبر 2019 تال 7 أكتوبر 2021. تّعيين ديالو ف نفس لمنصب جا بعدما طلبات نبيلة رميلي لإعفاء من لپوصط ديالها باش تفرغ ل خدمتها د عمدة د دارلبيضا.[1]

خالد أيت طالب
معلومات عامة
زيادة1966 (57/58 عام)
أڭادير
لجنسيةلمغريب
لحرفةجراح، ؤستاد جاميعي و سياسي
لّوغات لي كيعرفعربية و تاشلحيت
معلومات خرى
لحيزبلامنتمي

تخرج لپروفيسور خالد آيت طالب من كلية طّب ؤ صّيدلة د رباط بعدما حصل علا شهادة د دّوكتورا ف طّب. كان خدم ؤستاد ف كلية طّب ؤ صّيدلة د فاس، ؤ موراها رائيس د شّيرورجيا لباطينية ف لمركز سّبيطاري لجاميعي لحسن تّاني د فاس، ؤ تعين مودير ديالو ف 13 نونبر 2004. لپروفيسور أيت طالب كان أول واحد دخّل سيستيم أنفورماتيكي ل سّبيطارات ف لمغريب، ب لإضافة ل سيستيم د توزيع دّوايات وسط سّبيطار، بلا مانهضرو علا تقنية د شّيرورجيا ب رّوبوات. خالد أيت طالب كان عضو ف لّجنة د لخوبارا ف ويزارة د صّحة من 2008، ؤ هوّا لمومتيل لجيهاوي د مؤسسة لالة سلمى د لويقاية ؤ لمداوية د سّرطان، ؤ هوّا رئيس لمجلس لإداري ديال معهد لبحت ف سّرطان، ؤ هوّا رائيس تحالف لمراكز سّبيطارية لجاميعية ف لمغريب من 2016.[2]

عيون لكلام
  1. "بلاغ من الديوان الملكي". mapnews.ma (ب لعربية). 14 أكتوبر 2021. مأرشيڤي من لأصل ف 2022-08-14. تطّالع عليه ب تاريخ 2021-10-14.
  2. "خالد أيت طالب" (ب لعربية). مأرشيڤي من لأصل ف 2023-08-11. تطّالع عليه ب تاريخ 2021-10-14.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.