جوست فونطين


جوست لوي فونطين (مزيود ف 18 غشت 1933، توفّى ف 28 فبراير 2023) كوايري فرانساوي لي كان كيلعب ف لمركز ديال لهجوم. عندو الروكور ديال أكبر عدد د لبيوتا تماركاو ف نسخة وحدة ديال كاس لعالم ب 13 بيت، لي ماركاها ف كاس لعالم 1958.[1] ف مارس 2004، ف واحد لحفل ديال لفيفا، سمّاه پولي واحد من 125 أحسن لعابا د كورة باقين عايشين.[2]

جوست فونطين
معلومات عامة
زيادة18 غشت 1933
مراكش (لحماية لفرانساوية على لمغريب)
لموت28 فبراير 2023 (89 عام)
تولوز (فرانصا)
لجنسيةفرانصا
لحرفةكوايري و مدريب د لكورة
لّوغات لي كيعرفلفرانساوية
لكاريير ديال الشخص
شارك ف
رياضة
رياضةكورة
پوسطمهاجم
لجنسية رّياضيةفرانصا
لفراقي 
أعوامفرقةماتشاتبيوتا
1950–1953(Wikidata:Q1028) نادي الاتحاد المغربي 48 (62)
1953–1956(Wikidata:Q142) نادي نيس 69 (43)
1956–1962(Wikidata:Q142) ستاد ريمس 131 (122)
لمونتخاب لوطني 
1953–1960(Wikidata:Q142) منتخب فرنسا 21 (30)
لجوايز
IMDB: nm1408519 FIFA: 29875 UEFA: 35676 Modifica els identificadors a Wikidata

فونطين كان مودريب د لمنتخب د لمغريب د كورة ف 1980 فاش جا التالت ف كاس إفريقيا.[3]

حياتو

جوست فونطين تّزاد ف مراكش ف لوقت ديال لإستعمار لفرانساوي ل لمغريب. بّاه كان فرانساوي و مّو صبليونية.[4] تحوّل موراها ل كازا باش يقرا ف ليسي ليوطي.

بدا لكاريير لكوراوية ديالو ف لإتحاد الرياضي لمغريبي (فرقة د كازا لي مابقاتش دابا)، و لعب معاها مابين 1950 و 1953. مشا مبعد ل لفرقة د نيس ف فرانسا، و ماركا ليها 44 بيت ف 3 د لمواسم. داز عاوتان فرقة سطاد د ريم، و ماركا 121 بيت ف 6 د لمواسم، و دّا معاها لبوطولة لفرانساوية (ليڭ 1) جوج مرات ف 1958 و 1960، و لكاس لؤروپية مرة وحدة ف موسم 1958 و 1959 لي غلبو فيها ريال مدريد ف لفينال.[5]

فونطين لاعب ل لمنتخب د فرانسا ف كاس لعالم 1958

لمسار ديال فونطين معا لمونتاخاب د فرانسا واعر كتر عاد. ف 17 دجنبر 1953، ف لماتش اللول ديالو ضد لمونتاخاب ديال لوكسومبورڭ، ماركا 3 د لبيوتا، و لماتش سالا ب 8 ل 0. ف 7 سنين، ماركا 30 بيت ف 21 ماتش، منها 13 بيت ف 6 د لماتشات ديال كاس لعالم 1958، لي ماركا فيها 4 د لبيوت على لمونتاخاب ديال ألمانيا لغربية، لي كانت دّات كاس لعالم لي قبل.[6][7] ل حد الساعة، هوّ معا ليونيل ميسي، رابع هدّاف ف التاريخ د كاس لعالم، و التلاتة لي فايتينو، ڭيرد مولر (14 بيت)، رونالدو لبريزيلي (15 بيت)، و ميروصلاڤ كلوزه (16 بيت) كاملين لعبو جوج كيسان د لعالم ؤلا كتر.[8]

فونطين لعب لماتش اللخر ديالو معا لمونتاخاب د فرانسا ف يوليوز 1962، و ضطر باش يعتازل على سن صغير (علاين 29 عام) بسباب مشاكل صحية ف رجلو. داز موراها ل التدريب، و درب لمونتاخاب د فرانسا ل مدة قصيرة ف 1967، ولاكين تّعزل بعد جوج ماتشات أميكال حيت النتايج كانو عيانين. جا موراها باش يدرب لمونتاخاب د لمغريب، و وصّلو ل لمركز التالت ف كاس إفريقيا 1980،[3] و سهر على طلوع مواهب مغريبية جديدة داك لوقت، منها بادو الزاكي، محمد التيمومي و عزيز بودربالة. ف لإقصائيات د كاس لعالم 1982، لمغريب كان قريب يتكاليفا، ولاكين قصاتو لكاميرون ف لمرحلة اللخرة.

كا مودريب ديال پاريس سان جيرمان، قدر يطلع فرقتو ل لبوطولة لفرانساوية اللولة.[5]

عيون لكلام

  1. "1958 FIFA World Cup star: Just Fontaine". تطّالع عليه ب تاريخ 31 دجنبر 2016.
  2. "1958 FIFA World Cup star: Just Fontaine". تطّالع عليه ب تاريخ 31 دجنبر 2016.
  3. "Record World Cup Scorer dies at 89". New Straits Times. 1 مارس 2023. مأرشيڤي من لأصل ف 2023-03-02. تطّالع عليه ب تاريخ 1 مارس 2023.
  4. "1958 FIFA World Cup star: Just Fontaine". تطّالع عليه ب تاريخ 31 دجنبر 2016.
  5. "Just Fontaine, France's record World Cup goalscorer, dies aged 89". The Guardian. 1 مارس 2023. مأرشيڤي من لأصل ف 2023-09-13. تطّالع عليه ب تاريخ 1 مارس 2023.
  6. "1958 FIFA World Cup Sweden ™". FIFA.com. مأرشيڤي من لأصل ف 16 أكتوبر 2013. تطّالع عليه ب تاريخ 28 أبريل 2011.
  7. Short، Joe (13 دجنبر 2022). "Most goals in a World Cup single tournament: All-time scoring records". Radio Times (ب نڭليزية). مأرشيڤي من لأصل ف 2023-03-01. تطّالع عليه ب تاريخ 2023-03-01.
  8. "Just Fontaine dies aged 89". BBC Sport. 1 مارس 2023. مأرشيڤي من لأصل ف 2023-03-19. تطّالع عليه ب تاريخ 1 مارس 2023.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.