جمعة
جّمعة هوّا نهار ف سّيمانة جا مور لخميس ؤ قبل سّبت. يلا مشينا معا تّيفاقية د إيزو 1086 لي كاتضبط تّواصل ؤ لمعلومات لمتعلقة ب زّمان ؤ لعبار ديالو، جّمعة كيتّعتابر هوّا نّهار لخامس ف سّيمانة. بعض لكالوندريات كيديرو جّمعة هوّا نّهار سّات، ب عتيبار بلي لحد هوّا لّول، ؤ حتا عند لعرب لقدام، كانت سّيمانة كاتبدا ف لحد. منّها جاو سّميات ديال جميع نّهارات من غير جّمعة على حساب تّرتيب ديالهوم ف سّيمانة.
رسمة ديال الربة فريڭ لي عليها تسمّا نهار الجمعة ف بعض اللوغات لؤروپية
ف لّوغات لؤروپية، سّمية د جّمعة جات من سّمية ديال ربة معبودة ف دّيانات لؤروپية لقديمة. فريڭ Frigg ؤلا فرييا Freyja عند سّكانديناڤيين و لجرمانيين و نّڭالزا (منها Friday نهار ديال فرييا)، ؤ ڤينوس عند رّومان (منها Vendredi ف لفرانساوية).[1]
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.