جزاير

لجزائر ؤلا دزاير ولّا الجزاير ؤلا الݣزاير (بلعربية: الجمهورية الجزائرية الديموقراطية الشعبية - بلأمازيغية: ⵜⴰⴳⴷⵓⴷⴰ ⵜⴰⵎⴳⴷⴰⵢⵜ ⵜⴰⵖⵔⴼⴰⵏⵜ ⵜⴰⴷⵣⴰⵢⵔⵉⵜ) هي الدولة لكبيرة ݣاع ف لميساحة ف إفريقيا، هي طرف من لمنطقة لمغاربية فشمال غرب إفريقيا. تايحدّها لبحر لبيض لمتوسط ف الشمال، تونس ف الشمال الشرقي، ليبيا ف الشرق، النيجر ف الجنوب الشرقي، مالي وموريتانيا فالجنوب لغربي، ؤ لمغريب ف لغرب. النضام د لحكام فيها هو شبه رئاسي، و هي مقسومة إداريا ل 58 ولاية و 1541 بلدية.

جزاير
الجمهورية الجزائرية الديمقراطية الشعبية (ar)
نشيد	قسما
شيعار	«بالشّعب وللشّعب»
لعاصيمة	لجزائر‎
الساكينة
شحال دالسكان	43,900,000 (2020)
السمية ديال السكان	جزايري، جزايرية، جزايريين, جزايريات
اللوغات الرسمية	عربية لأمازيغية لمعيارية د لجزائر
متوسط ديال لعمر	76.078 (2016)
لجغرافيا
لميساحة	2,381,741 كم²
لقمة لعالية	تاهات (2,918 م)
لبلاصة الطايحة	شط ملغيغ (−40 م)
تاريخ
توارخ مهمة	ثورة التحرير الجزائرية حرب الرمال العشرية السوداء في الجزائر اتفاقيات إيفيان
أعياد	لعيد لكبير (10 ذو الحجة) لعيد الصغير (2 شوال) عيد استقلال الجزائر (5 يوليوز) عاشوراء (10 محرم) المولد النبوي (12 ربيع الأول) راس لعام (1 يناير) رأس السنة الهجرية (1 محرم) عيد شغل (1 ماي) إيض يناير (12 يناير) عيد الثورة (1 نونبر)
لإدارة
نضام الدولة	نظام شبه رئاسي
الرئيس د لجزائر	عبد المجيد تبون
لوزير اللّول د لجزائر	أيمن بن عبد الرحمان
لبرلمان	لبرلمان د لجزائر
سلطة لقضائية لكبيرة	المحكمة العليا
لقتيصاد
الناتج الداخلي لكامل	163,472,233,246 $ (2021)
لبيطالة (شوماج)	10 % (2014)
مؤشر التنمية لبشرية	0.745 (2021)
لفلوس	دينار جزايري
معلومات خرة
توقيت ديال لبلاد	ڭرينيتش + 1
رمز لبلاد	DZ
رمز لانترنيت	‎.dz‎
رمز التيليفون	+213
نماري د ليرجونس	14، 17، 112، 1548 و 1055
جيهة د صوڭان	ليمن
السيت الرسمي	el-mouradia.dz…

لبلاصة اللي فيها لجزائر عندها تاريخ قديم و دازو منها بزاف د لحضارات منهم الماسيل والماسيسيل والنوميديين والفنيقيين و القرطاجيين و الرومان والبيزنطيين والأمويين و و المغراويين واليفرنيين والرستميين والزيريين والحماديين والمرابطين و الموحدين و لعتمانيين وامارة الأمير عبد القادر وامارة كوكو وامارة ايت عباس قبل ما تحتّلها فرانسا ف 1830. بقات فرانسا محتلاّها تال 1962 بعد ثورة التحرير و هو لعام اللي ستاقلات فيه لجمهورية د لجزائر من مورا حرب بقات 8 سنين و ماتو فيها كثر من مليون واحد و عليها تاتسمّا لجزائر: "لبلاد د لمليون ونص مليون شهيد".[1]

تيسكنو ف لجزائر تقريبا 45 مليون د الناس و لعاصمة ديالها و أكبر مدينة فيها هي لجزائر لعاصمة. اللغات الرسمية د لبلاد هوما لعربية و لأمازيغية، و لفلوس اللي كاتخدّم هي الدينار لجزايري. لجزائر داخلة مع بزاف د لمنضمات عالمية بحال لأمم لمتحدة و لجامعة د الدول لعربية و أوپيك، و هي عضو مؤسس ديال لإتحاد لإفريقي و لإتحاد د لمغرب لعربي.