تمارة

تمارة لمساحة ديالها 33،56 كيلومتر مربع. فالشمال الشرقي ديالها الرباط ، و فالشمال بينها و الرباط واحد الغابة محمية سميتها الحزام الأخضر، و فالجنوب ديالها تامسنا ،و الصخيرات فالجنوب الغربي ، إما الغرب فهي جات على المحيط الاطلسي تقريبا عدد السكان ديال تمارة 313،510 نسمة.

تمارة مدينة دينامكية لي من السبعينات و هي تتطور. كانت فاللول غير عروبية، و الناس لي كانو ساكنين فيها كلهم كانو فلّاحا، و الإقتصاد ديالهم كانو معولين فيه بشكل اساسي على الزراعة. من بعد غادي تزيد توسع المنطقة باش توصل لمدينة الرباط. و فعام 1983 غادي يتدار إقليم الصخيرات تمارة، وهنا غادي تبدى تبان مراكز و معامل صناعية فتمارة. الموقع المزيان ديال المدينة لي جات مابين الرباط و الداربيضا خلاها محور كبير فالصناعة. و غادي يتحلو شركات و مصانع كبيرة فمجال الصناعات التقيلة، فحال إنتاج السيما و الرخام و الفلين و لفاخر و صناعات الطونوبيلات و الطيران و التقنيات العالية. بحال، كان مصنع سيما ف تمارة من اللوالا د المجموعات الصناعية لي تدارت ف المدينة عام 1976 وصلات مبيعات ديالو ل 737 مليون درهم (تقريبان 65 مليون يورو).

تمارة فيها بزاف ديال الحومات منها الحومات القديمة و الجديدة و الحومات العصرية:

الحومات القديمة

الحومات الجداد

الحومات العصريين

• نسبة لأمية (نّاس لّي ما كايعرفوش يقراو ولا يكتبو) : 17,8%
• نسبة سّكان لّي قاريين فوق تّانوي (تانوي و جامعة): 30,7%

• نسبة نّاس نّشيطين (لّي يقدرو يخدمو): 53,5%
• نسبة لبطالة (نّاس لّي ما خدامينش و تايقلبو على خدمة): 16%
• نسبة نّاس اللي خدامين ف دّولة : 24,6%
• نسبة نّاس اللي خدامين في لقطاع لخاص :46,4%