تركيا


لجمهورية د تركياتركية Türkiye Cumhuriyeti) هي واحد لبلاد جات ما بين لغرب د آسيا والشرق د أوروپا. هاد الطراف بجوج مفروقين بيناتهم بلبحر د مرمرة و لمضايق د لبوصفور والداردانيل. لعاصمة التاريخية د تركيا وأكبر مدينة فيها هي إسطنبول. ولكن لعاصمة لحالية د لبلاد دابا هي أنقرة. تركيا تاتحدها من الشمال ليونان و بلغاريا و لبحر لكحل، من الشرق جورجيا وأرمينيا وإيران، من لجنوب سوريا ولعراق ولبحر لبيض لمتوسط، ومن لغرب لبحر د إيجي.[1]

تركيا

Türkiye Cumhuriyeti (tr)
Türkiye (tr)

نشيدنشيد الاستقلال التركي

لعاصيمةأنقارا
الساكينة
شحال دالسكان85,372,377 (2023)
السمية ديال السكانتوركي، توركية، تواركا, توركيات
اللوغات الرسميةتركية
متوسط ديال لعمر75.755 (2016)
لجغرافيا
لميساحة783,562 كم²
لقمة لعاليةجبل أرارات (5,137 م)
لبلاصة الطايحةلبحر لكحل (0 م)
لإدارة
نضام الدولةدولة مركزية و نضام رئاسي
رئيس تركيارجب طيب أردوݣان
رئيس تركيارجب طيب أردوݣان
لبرلمانالبرلمان التركي
لقتيصاد
الناتج الداخلي لكامل819,034,484,303 $ (2021)
لبيطالة (شوماج)9 % (2014)
مؤشر التنمية لبشرية0.838 (2021)
لفلوسليرة تركية
معلومات خرة
توقيت ديال لبلادڭرينيتش + 3
Europe/Istanbul
Asia/Istanbul
رمز لبلادTR
رمز لانترنيت‎.tr‎
رمز التيليفون+90 و +36
نماري د ليرجونس112 و الدرك الملكي
جيهة د صوڭانليمن
السيت الرسميturkiye.gov.tr

دازو بزاف د لحضارات على لبلاصة اللي فيها تركيا دابا، بحال لأناضول ولآشوريين وليونانيين ولبيزنطيين والسلاجقة ولعثمانيين. لإمبارطورية لعثمانية اللي كانت لعاصمة ديالها هي إسطنبول، كانت فواحد لوقت هي أكبر إمبراطورية فلعالم وكانت عندها أراضي فإفريقيا وأوروپا وآسيا. ف 1923، طاحت لإمبراطورية لعثمانية وتأسسات لجمهورية د تركيا، اللي قادها مصطفى كمال أتاتورك. هاد لجمهورية هي لأصل د تركيا د دابا ووقعات فيها تبديلات بزاف مقارنة مع لوقت لعثماني، بحال أن تركيا دابا دولة علمانية وتيكتبو التركية بلحرف اللاتيني.

لفلوس اللي كيتخدًمو فتركيا هوما الليرة التركية واللغة الرسمية هي التركية. تقريبا 70 تال 80% د لمواطنين د تركيا تيعًرفو راسهم باللي هوما أتراك، ومابين 15 و 20% تيقولو على راسهم باللي هوما أكراد. تركيا عضو فبزاف د لمؤسسات بحال لأمم لمتحدة والناطو وصندوق النقد الدولي ولبنك الدولي ومنظمة التعاون لقتيصادي والتنمية و جي 20. الرئيس ديال تركيا دابا هو رجب طيب أردوݣان.

علاش تسمات

يمكن لينا نقسمو السمية ديال تركيا على جوج ت المكونات؛ (Türk) اللي كتعني دولة ديال قومية الترك، ؤ(iye) اللي كتعني "ديالنا".

لجغرافيا

تركيا جاية فواحد لبلاصة سطراتيجية؛ ما بين آسيا و ؤروپا، اللي كيفرق بيناتهم هو بحر مرمرة ؤ مضايق لبوسفور و الدردنيل.

لمناخ

تركيا جاية فالشمال الشرقي ديال لبحر دّخلاني، هادشي علاش فيها لمناخ لمتوسطي. ف فصل شّتا كيكون رطب، ؤ ف فصل صّيف كيكون سخون ؤ ناشف.

عيون لكلام

  1. "Britannica, Turkey". مأرشيڤي من لأصل ف 2023-10-11. تطّالع عليه ب تاريخ 2022-11-22.
Wikimedia Commons تقدر تزيد شوف بزاف د تّصاور و لمعلومات ديال Turkey ف ويكيميديا كومنز.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.