بزوليات

لبزوليات (ب نّݣليزية: mammals، ب لعربية: الثديات‎، السمية لعلمية: mammalia) كلاص ديال لحيوانات السنسولية لي جات تحت من لكلاص لفوقانية ديال مولات ربعة د لأطراف. لبزوليات كاتميّز ب وجود غدة بزولية ف لكسدة ديالها لي كاتنتج لحليب و كاترضّع بيها وليداتها، التوفر ديالها على قشرة مخية جديدة neocortex، ب لإضافة ل فرو ؤلا شعر، و عضيّم وسطاني د لودنين. هاد لخاصيات كيميّزوهوم على الطيور و الزواحف، لي نفاصلو عليهوم تطورياً هادي علاين 300 مليون عام.[1]

بزوليات
معلومات عامة
سميتو لعيلمية	Mammalia (كارولوس لينيوس، 1758) 1758
لخاصية د ترتاب	كلاص (بيولوجيا)
كاينتامي ل	ثدييات الشكل، مندمجات الأقواس، مولات ربعة و سلويات
لعيشة
عايش فلفترة	160 مليون عام قبل لميلاد
معلومات خرين
لكائن مصدر ديال	حليب *لحم *إهاب
موصوف ف هاد لمصادر	قاموس بروكهاوس وإفرون الموسوعي *قاموس بروكهاوس وإفرون الموسوعي الصغير *قاموس الموسوعة الحديثة *معجم التخاطب لماير *الموسوعة البريطانية نسخة سنة 1911 *Collier's New Encyclopedia, 1921 *The Domestic Encyclopædia; Or, A Dictionary Of Facts, And Useful Knowledge *الموسوعة السوفيتية الكبرى

كاينين جوايه 6400 نوع ديال لبزوليات، مقسّمين ل 29 تنضيمة. أكبر 6 د التنضيمات من حيت لعدد د النواع فيهوم دابا هوما ب هاد الترتيب:

• لقوارض لي منها لفيران و لكبورات (جوايه 1500 نوع)[2]
• لخفافش (جوايه 1400 نوع)
• شنفيات لمصران لعور Eulipotyphla لي كينتامي ليها لݣنفود (جوايه 450 نوع)
• اللوليات لي منها بنادم و لقرد، و الليمور (376 تال 524 نوع)
• اللواحم بحال لمشايشيات، لكلبيات و زعنفيات الرجلين (جوايه 270 نوع)[3]
• مضوبلات الصباع بحال الجمل، لخنزير و لبالينة (جوايه 220 نوع)[4]