بركان

ناس بركان كيهضرو الدارجة المغريبية و لأمازيغية ديالت بني يزناسن (ثايزناسنيث).

مدينت بركان كانت تتسما أبركان وهاذ سميا جايا من لوالي سيدي محند أبركان لي كيعيطولو غلاط بسميت سيدي حمد أبركان وكتعني بالشلحة ليزناسنية لكحل ولا السمر[2] و كاين حدا واد شراعة بين جماعة بركان وجماعة سيدي سليمان شراعة.

السباب علاش تبدلت سميت أبركان ورجعت بركان على حساب لباحث عبد الله لحسايني بلي فرنسا كانت كاتسمع ناس بني يزناسن مرة يلغاو للوالي سيدي محند أبركان ومرة سيدي محمد أوبركان داكشي علاش حسابلهم "أو" ولا "أ" غي زايدة. وعليها كنلقاو فلكتابات الرسمية فلستيعمار بلفرونسي بركان Berkane و ب لعربية الترجمة أبركان حتى للنص ديال التسعينات فلقرن لعشرين عاد تبدلت ورجعات أبركان تتكتب بركان حتى بلعربية فلكتابات الرسمية.

• نسبة لأمية (نّاس لّي ما كايعرفوش يقراو ولا يكتبو) : 27,3%
• نسبة سّكان لّي قاريين فوق تّانوي (تانوي و جامعة): 17,8

• نسبة نّاس نّشيطين (لّي يقدرو يخدمو): 44,8%
• نسبة لبطالة (نّاس لّي ما خدامينش و تايقلبو على خدمة): 19,9%
• نسبة نّاس اللي خدامين ف دّولة (ولا لعاطلين اللي سبق ليهوم خدمو): 11,5%
• نسبة نّاس اللي خدامين في لقطاع لخاص (ولا لعاطلين اللي سبق ليهوم خدمو):44,9%