المهدي بنعبود


المهدي بنعبود (تولد ف سلا ف 1919 - مات ف الرباط ف 1999) كان طبيب وفيلسوف ومفكر وكاتب مغريبي.

المهدي بنعبود
معلومات عامة
زيادة1919
سلا
لموت12 يوليوز 1999 (79/80 عام)
لجنسيةلمغريب
لحرفةسياسي، طبيب، ديپلوماسي و ؤستاد جاميعي
لّوغات لي كيعرفعربية، لفرانساوية، نڭليزية و الداريجة لمغريبية
معلومات خرى
لحيزبحيزب ستيقلال

حياتو

تولد المهدي بنعبود فسلا ف 1919 وكبر فيها.[1] مات ليه بًاه وهو عندو 7 سنين, و ربًاتو مًو ومن بعد خاه لكبير زين العابدين. دخل للمدرسة وقرا فيها مزيان, حتا خدا لباك ديالو وبدا يقرا الطب ف 1940. مشا للجامعة د مونپوليي ففرانسا باش يكمل قرايتو, ومن بعد كمًل فباريز ف 1945. ف 1950 خدا الدكتورا ديالو وحلً عيادة فالدار لبيضا. فنفس لوقت اللي كان تيقرا, نخارط فلعمل لوطني ودخل فحزب ليستيقلال.

ف 1951 مشا للميريكان وحلً فيها مكتب باش يدافع على استقلال لمغريب. من مورا ليستيقلال نيشان, ايعينو محمد لخامس أول سفير دلمغريب فلميريكان, وغادي يبقا سفير 6 سنين (من 1956 ل 1962) حتا غادي يبدًلوه حيث ساند موظفي وزارة لخارجية فلإضراب ديالهم. موراها رجع عاود لمغرب وحلً عيادة فسلا, و من 1966 ولاُ أستاد دلعلم النفسي ولمداهب لفكرية لمعاصرة ولعقيدة لإسلامية ف لجامعة د محمد لخامس ف رباط, وخرًج بزاف د لكتوبا والتحاليل فهاديك لوقيتة.[2]

مات المهدي بن عبود نهار 12 يونيو 1999 فالرباط.

كتوباتو

كتب المهدي بزاف د لكتوبا فبزاف د لمواضيع, منها:

  • رصد الخاطر أفكار ونظريات وخواطر ( ثلاثة د لأجزاء)
  • خواطر حول أزمة الحضارة المعاصرة والتطلع إلى مستقبل الإنسانية.
  • خواطر حول مسيرة الفكر البشري أو منهاج البحث عن الحقيقة واليقين .
  • التحدي الخلقي.
  • أيها الجيل الصاعد (قصة فلسفية).
  • العصر والنصر ( شعر).
  • الواردات (حكم وأمثال) .
  • متفرقات ( أحاديث صحفية وإذاعية).

عيون لكلام
  1. "الدكتور الضريًف بنعبود (بلفرانساوية) - مجلة زمان". مأرشيڤي من لأصل ف 2020-03-24. تطّالع عليه ب تاريخ 2020-03-24.
  2. "المهدي بن عبود - المفكر والمقاوم الذي واجه الاستيلاب الثقافي في المغرب". مأرشيڤي من لأصل ف 2022-08-11. تطّالع عليه ب تاريخ 2020-03-24.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.