أنفا

أنفا (ب لأمازيغية ⴰⵏⴼⴰ، ب الصبليونية Anafe، ب لبرطقيزية Anafé) هي السمية لقديمة د كازا ف لفترة لقديمة و لوسطانية، تال لقرن 18 فاش عاود بناها و عمّرها السلطان محمد التالت بن عبد الله، و بدّل سميتها ل "الدار لبيضا" على واحد الدار لونها بيض باش كانت كاتّعرف من بعيد.[1] لمدينة بناوها لأمازيغ ف جوايه لقرن 10 ق.م.، و ف لعهد ديال لإمبراطور الروماني أوڭوستوس، تّبنى فيها مرسى ف عام 15 قبل لميلاد، وخا غالبا كان لموضع ديجا مخدّم ل نفس لغاراض من لفترة لفينيقية.

أنفا
أنفا
معلومات عامة
نوع د لموضعمدينة قديمة
لبلادلمغريب و موريطانية
تاريخ د لبني1000 قبل لميلاد
تاريخ فاش تهجرات1468
تقدر تكون هيا نيتالدار البيضا


أنفا دابا السمية د مقاطعة و جماعة حضرية تابعة ل عمالة الدارلبيضا.[2]

أنفا لقديمة

شقفة د لفلوس ديال لماليك يوبا لموريطاني من نفس السكة ديال شقفات تّلقاو ف لمرسى د كازا أنفا

لموضع فين كاينة دابا كازا ستوطنوه لأمازيغ علّاقل من لقرن 10 قبل لميلاد.[3] لفينيقيين، لي هوما بحّارا و تجّار أصلهوم من بلاد كنعان، جاو ليها ف النص اللول ديال لألفية 1 قبل لميلاد، و كانو مخدّمينو كا مرسى.[4]

ف 15 قبل لميلاد، الرومان سيطرو على أنفا و بناو مرسى جديد،[4] لي كان مكونيكطي معا موڭادور (الصويرة)، و لڭزاير د الصويرة. واحد من أهم لمنتوجات لي كانو كيدوزو من لمرسى هوّ واحد لعشبة بحرية لي كانت كاتخدّم ف لمصاوبة د صباغة قوقية لي كانت كاتزيّن اللباس لإمبراطوري ف روما. الرحلة لإستكشافية لي كان صيفطها لماليك يوبا لموريطاني ڭزاير لكاناري و ڭزيرة ماديرا غالباً نطالقات من لمرسى د أنفا.

ملي الرومان قتلو لماليك پطوليمايوس لموريطاني و حتلّو مملكة موريطانية ف 40 ميلادية، ولّاو مسيطرين إسمياً على لمرسى، ولاكين خط لحدود الرومانية فعلياً كان كيتواجد كيلوميطرات ف الشمال ديالو. مي كاينين أدلة بلي التجارة، سيرتو ديال الزيت، كانت موجودة بين أنفا و وليلي و طينجيس ف جوايه لقرن 3 لميلادي.

واحد لباطو روماني لي كان غرق ف لقرن 2 كيبيّنو لبقايا لي تّلقاو فيه بلي الرومان كانو مخدمين هاد لمرسى و كيقدّرو لقيمة التجارية ديالو.

شوف تا

عيون لكلام

  1. ويبستر، دجيسو (2023-02-24). "In search of the white house of Casablanca". مأرشيڤي من لأصل ف 2023-10-25. تطّالع عليه ب تاريخ 2023-10-25.
  2. "La Préfecture de Casablanca (in French)". Casablanca.ma. مأرشيڤي من لأصل ف 26 مارس 2010. تطّالع عليه ب تاريخ 28 غشت 2010.
  3. Casablanca - Jewish Virtual Library
  4. "LexicOrient". مأرشيڤي من لأصل ف 2016-03-03. تطّالع عليه ب تاريخ 2015-08-14.

ليانات برانية


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.