ألمانيا لغربية


ألمانيا لغربيةلألمانية: Westdeutschland)، رسمياً الجمهورية لفيديرالية لألمانيةلألمانية: Bundesrepublik Deutschland) بلاد لي كانت موجودة ف ؤروپا مابين 23 ماي 1949 و 3 أكتوبر 1990،[1][2] التاريخ لي توحّدات فيه معا ألمانيا الشرقية باش يكوّنو ألمانيا لي كانعرفو دابا. ف لوقت ديال لحرب لباردة، كانت ألمانيا لغربية طرف من لكتلة لغربية، و تشكّلات مورا لحرب لعالمية الجاوجة من 11 جهة لي كانو شادّينهوم الدول لحولافا، لميريكان، لمملكة لمتحدة و فرانسا.[3]

ألمانيا لغربية

Bundesrepublik Deutschland (de)

نشيدلأغنية د لألمانيين (1949)

[[فيشي:|100px]]

لعاصيمةبون
الساكينة
شحال دالسكان63,250,000 (1990)
اللوغات الرسميةلألمانية
لجغرافيا
لميساحة248,577 كم²
لإدارة
نضام الدولةجمهورية فيديريالية برلمانية و جمهورية برلمانية
لقتيصاد
لفلوسمارك ألماني
معلومات خرة
رمز التيليفون+49

لعاصمة ديال ألمانيا لغربية كانت ف مدينة بون، و داكشي علاش شي مرات هاد لبلاد كاتسمّى جمهورية بون. ف لبدية، ألمانيا لغربية كانت كاتطالب ب جميع لأراضي ديال ألمانيا، ب عتيبارها لوريت الشرعي ديال الرايخ لألماني (1871 تال 1945). ف 1952، تلاتة ديال الجهات د ألمانيا توحدو باش يشكلو جهة وحدة لي هيّا باضن ڤورتمبيرڭ، و ف 1957، نضمّات زارلاند كا جهة، بعدما كانت منطقة تابعة ل فرانسا ب سميت محمية زار. ب لإضافة ل هاد 10 د الجهات، كانت برلين لغربية كاتّعتابر الجهة نمرة 11 ب حكم لواقع. حيت وخا قانونياً كان كيسيّرها مجلس لحولافا د لمراقبة، سياسياً كانت كاتّبع ل ألمانيا لغربية، و عندها تمتيلية مباشرة ؤلا لامباشرة ف لمؤسسات ديالها.

بعدما طاح لحيط د برلين، و توحّدو الجوج طروفا د ألمانيا، الدولة الجديدة تّعتابرات ستيمرارية ديال ألمانيا لغربية، حيت عندها نفس التقافة السياسية، التوجهات لي غادية معا لكتلة لغربية، و التمتيليات ف لمونضمات الدولية. يعني نقدرو نڭولو بلي ألمانيا لغربية توسعات و ضمات لأراضي ديال ألمانيا الشرقية.

عيون لكلام

  1. "Britannica, Germany". مأرشيڤي من لأصل ف 2023-10-08. تطّالع عليه ب تاريخ 2023-04-03.
  2. "Britannica, West Germany". مأرشيڤي من لأصل ف 2023-10-13. تطّالع عليه ب تاريخ 2023-04-03.
  3. "Federal Republic of Germany is established". مأرشيڤي من لأصل ف 2023-06-07. تطّالع عليه ب تاريخ 2023-04-03.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.