أحمد محمد شعيب

يقول متذمرا من الأحوال الاجتماعية:

روحوا اسألوا دروب المهاجر والسفــر     ليش العم يهاجــر بأوطانــو كفــــر
روحوا اسألوا الزفت الملزَّم  عالدروب     ليش الزفت مش قادر يعبِّــي الحفـــــر
روحوا اسألوا صحاب الخزاين ولِجيــوب     هالسارق ذنوبو ليش بسرعــة بتنغفــر
روحوا اسألوا شروق الغزاله والغروب     ليش الأمن مالـــو عميـــد ولا نفـــر
وشاعر أنا تعرَّفــت عا كـل الشعــوب     ومن نوم شعبي والدياب الجايعيـــــــن
                           قلبي من الشعب ومن الحاكم نفــر

ويقول :

يا بلادنا يـــا بلاد محرومـــه        من شعب يرعاكي ومن حكومه
عم يتهموكي بنعــرة الأديــان        وإنتي بإسـم الدين مظلومه   
كنتي الهنا والحـب والغفــــران        وصورة عن الفردوس مرسومه  
صاروا القرايب والأهل عــدوان        صرتي بلا تقسيــم مقسومـه  
لابـد ما يتغيـَّر العــــــدَّان        وترجع أرض وحقوق مهضومـه    
برجــع بغني للوطــن قصـــدان        وبمزِّق وراق السفــر وبقول
                عندي بــــلاد وشعب وحكومـــــه

ويقول في حنينه إلى بلاده وعلة اغترابه:

بلادي القصيدة لْكنت غنِّيهــــا    وعلِّي جْبيني وإفتخرفيهـــا 
كانت بلاد الخيـر والعمــــران    ذياب وغنم صاروا أهاليها 
ولمَّا بحماها ما عدت قـــدران      دربي بسلامه وخير كفِّيهـــا 
حبَّيت عيش وموت بالهجران          بغابات بْتِأْذي ضواريهـــا
قولولها عا ذكرها سهـــــران     وياما كنت إسهـر وغفِّيهـا 
وكل ما بصلِّي بُطلب الغفران       لعيونها اللي شـرَّدوا قـلبي
                 وبدعيلهــــــــا ألله يهنِّيهــــــا

ويقول:

ما جيت غنّي طرب بربوعك وإصطـاف      وفيِّق عيون السمــر عا صوت موّالـــي 
جايي بعزّ البرد والثلج والنفناف      طفِّي حريق القلب من دمعــك الغالــي