अंगिका विकिपीडिया
अंगिका विकिपीडिया - एगो मुक्त विश्वकोष (कैथी लिपि मँ: 𑂃𑂁𑂏𑂱𑂍𑂰 𑂫𑂱𑂍𑂱𑂣𑂲𑂙𑂱𑂨𑂰 - 𑂉𑂏𑂷 𑂧𑂳𑂍𑂹𑂞 𑂫𑂱𑂬𑂹𑂫𑂍𑂷𑂭), विकिपीडिया केरौ अंगिका भाषा के संस्करण छेकै, जेकरौ स्वामित्व विकिमीडिया फाउंडेशन के पास छै। विकिपीडिया सबभे विषयो प प्रामाणिक आरू उपयोग, परिवर्तन आरू पुनर्वितरण लेली स्वतन्त्र ज्ञानकोश बनाबै केरौ एगो बहुभाषीय प्रोजेक्ट छेकै। ई भरसक निष्पक्ष दृष्टिकोण वाला सूचना प्रसारित करै लेली कृतसंकल्प छै। सबसें पहिने अंग्रेज़ी विकिपीडिया जनवरी 2001 मँ शुरू करलौ गेलौ छेलै। अंगिका विकिपीडिया केरौ शुभारंभ मार्च 2023 मँ होलै । एकरौ पहिनै,अंगिका विकिपीडिया के निर्माण,विकिमीडिया इनक्यूबेटर प अगस्त २०१० मँ आरंभ होलौ रहै। विकिपीडिया पर देवनागरी वर्णमाला कुंजीपटल उपलब्ध छै, ई लेली बिना कोनो विशेष हिन्दी टाइपिंग सॉफ्टवेर डाउनलोड करलअ, रोमन कुंजीपटल केरो उपयोग देवनागरी मँ टंकण करै लेली करलौ जाबै सकअ छै।
