Et como por la inportunidat del tiempo y de las muytas nieves que se son echadas los boalages y defesas de los ditos lugares no se avian podido limitar ni designar entro el present dia, que los ditos Geronimo Valero y Johan Bonet jurados de los ditos lugares con algunos otros limitaron y designaron los mollones y fitas del boalage clamado de Mercadales desde el dito lugar de Ffortaner entro a la fin o cabo de dita Ombria de Mercadales. Et por que era superfluo ir asi por todo el dito termino de Ffortaner a fer las ditas limitaciones y por citar (quitar) expensas y treballo en aquel mismo lugar el dito Johan Bonet jurado en nombre de la dita universidat de dito lugar de Ffortaner mediante saqrament de voluntat del dito Geronimo Valero dio limitados y confrontados todos los boalages y defesas de dito lugar por una cedula scripta en papel el tenor de la qual era tal. En la forma siguient son limitados y designados los boalages y defesas del termino del lugar de Ffortaner: Primerament todo Çotiquos y Penya Cerradiella como es de las penyas adentro. Item, el Boalage de la Vegua (vega) como es el enebro gordo y va por la vertient de la Solana entro a la primera riscla mayor con fondo de tierra y toda vegada la riscla adelant entro a las calçadas fondoneras de Penya Cerrada y de alli adelant por la riscla que va entro al camino de Allepuz y por aquella riscla matexa entro al Barranquo Donya Ynes por somo de las Clochuelas entro a la ......... de la Solaniella entro el Camino de Villaroya y siguiendo el camino de Villaroya entro al rio y el rio asuso entro al enebro gordo salvo la Defesa que tienen para las bestias entre el rio y el Camino de Mosqueruela y de Cantaviella asta el boalage de la Val de las Defesas segunt que de present desuso es limitado el qual tienen para sus ganados. El qual Boalage de las Defesas comiença al Mas de la Confradria y de allí recude la Foya Fferrando y de allí a la riscla somera de la Rocha de las Defesas por somo de las Malladiellas de alli a la Penya del Bermero y de allí recude a las Calçadas del Collado de la Mora et de alli recude las Saleguiellas y torna por la Rocha por la cabeçada de la riscla somera y, recude el Vallexo asuso entro el Mas de Johan Yaguo et de alli al dito Mas de la Confradria. Item, el Boalage de las ombrias de Martin de Miedes, comiença al Mas de la Confradria que era de Don Martin Alcanyiz y va la riscla asuso entro el Camino de Villaroya. Et depues puya camino asuso que va a la Lastra el Rayo y puya entro asoma la Ombria de dito Martin de Miedes. Et depues va por la vertient adelant de traviesso y faze al Barranquo el Rayo alto a la penya y va la penya asuso entro al fondo del strecho del dito Barranquo el Rayo. Et del fondo del dito barranquo puya la penya asuso entro el Camino de Villaroya a las Vueltas Somsas (¿modorras?). Et torna de alli adelant de traviesso por la Ombria de las Longaderas por la vertient y fieze a la penya del Barranquo el Losar de parte ombria y torna por la penya asuso entro el strecho del Barranquo el Losar. Et depues passa a la Solana y torna la penya asuso asomo de la Cerrada de Johan Martin. Et de alli adelant torna por somo de la Ombria de Do. Ram y fieze do entra el Camino del Endrinal en el boalage. Et depues fieze a la Ombria de la penya de Martín el Puerto. Et depues va penya asuso entro las penyas del Barranquo de Martin Puerto. Et depues passa a la Solana y va entro asoma la penya de la Solana Roia. Et depues va por la vertient y fieze al Pozuelo de media la ombria et depues por medio la ombria adelant fieze al Colladiello de la ombria de somo de la Ffuent el Taxuelo. Et segunt esta moxonado todo lo desus nombrado fieze y faze cabo al moxon del Camino de Miravet. Et de allí torna el camino desuso y parte del camino y puya al Cabeçuelo Blanquo. Et depues fieze por la vertient asuso devant del Mas de Johan de Muedro y plegua por la vertient entro a vista del Camino de Aliagua. Et depues torna por la riscla asuso al Casal de Martin Ivanyes. Et de allí fieze al rio de Ffortaner que va a Pitarch. Et de allí torna rio o rambla asuso entro Ffortaner y faze cabo a la Peniella o Vallexo de la Ffuent de Borraz y aquí fenexe el Boalage de Mercadales.

DO MAES ALTO CERRO DE VAL DE VACAS CHAMADO EL COLLADO FRIO.^[4]