ኤሌክትሪክ መስክ

የኤሌክትሪክ መስክ ሲተረጎም በአንድ የኅዋ ነጥብ ላይ በሚገኝ የማይንቀሳቀስ መፈተኛ ፖዚቲቭ-የኤሌክትሪክ ቻርጅ ላይ ሊፈጠር የሚችል የጉልበት መጠን ነው [1]። በሒሳብ ቋንቋ ሲጻፍ፦

${\displaystyle \mathbf {E} (x,y,z)={\frac {\mathbf {F} }{q}}}$

F ማለት በመፈተኛ ሙላቱ ላይ ሊያርፍ የሚችል የኤሌክትሪክ ጉልበት

q የመፈተኛው ኤሌክትሪክ ቻርጅ

E በተወሰነ ነጥብ ላይ የሚገኝ የኤሌክትሪክ መስክ( ጨረር)

በሌላ ጎን በኩሎምብ ህግ መሰረት በአንድ ጠጣር ቻርጅ ምክንያት ከሙላቱ የተወሰነ ርቀት ላይ የሚፈጠረው የኤሌክትሪክ መስክ ስብጥር እንዲህ ይሰላል፦

${\displaystyle \mathbf {E} (x,y,z)={1 \over 4\pi \varepsilon _{0}}{Q \over r^{2}}\mathbf {\hat {r}} \ }$

እዚህ ላይ፡

Q የኤሌክትሪክ መስኩ ፈጣሪ ቻርጅ ሲሆን

r ከሙላቱ Q እስከ መስክ መለኪያው ነጥብ ድረስ ያለ ርቀት

${\displaystyle \mathbf {\hat {r}} }$ ከQ ወደ መስክ መለኪያው ነጥብ የሚያመለክት አሀድ ጨረራ (ዩኒት ቬክተር) ነው።

ε₀ ደግሞ የኦና አስተላላፊነት ቁጥር መጠን ነው።

የኤሌክትሪክ መስኩን የሚፈጥሩ ከአንድ በላይ ቻርጆች ቢኖሩ፣${\displaystyle n_{q}}$፣ የዚህ የቻርጆች ስርዓት መስክ ውጤት የሚሰላው በ አነባበሮ መርህ (ሱፐርፖዚሽን ፕሪንሲፕል) ሲሆን ይሄውም የእያንዳንዱን ቻርጅ አስተዋጾ በየነጥቡ ላይ የጨረር ድምር ውጤቱን በማስላት ነው[2]:

${\displaystyle \mathbf {E} (x,y,z)=\sum _{i=1}^{n_{q}}{\mathbf {E} _{i}}=\sum _{i=1}^{n_{Q}}{{1 \over 4\pi \varepsilon _{0}}{Q_{i} \over r_{i}^{2}}\mathbf {\hat {r}} _{i}}.}$

ሙሌቶቹ ጠጣር ሳይሆኑ አንድ ላይ የጓጎሉ ከሆኑ መስካቸውን በካልኩልስ መደመሪያ (መጠረዝ) ያስፈልጋል።

${\displaystyle \mathbf {E} (x,y,z)=\int _{V}\,d\mathbf {E} =\int _{V}{\frac {1}{4\pi \epsilon _{0}}}{\frac {dq}{r^{2}}}\mathbf {u} _{r}=\int _{V}{\frac {1}{4\pi \epsilon _{0}}}{\frac {\rho (r)dV}{r^{2}}}{\vec {u}}_{r}}$ ρ = ቻርጅበይዘት ወይንም የቻርጅዴንሲቲ ነው

የኤሌክትሪክ መስክ ሃሳብ ከሞላ ጎደል ከኩሎምብ ህግ ጋር ተመሳሳይ ነው። ሆኖም በውስጡ ተጨማሪ ሃሳብን ያዝላል። ይሄውም የአነባበሮ መርህን ወይን የሱፐርፖዚሽን ፕሪንሲፕልን። ስለሆነም አንድ የተወሰነ ቦታ ላይ ልናስቀምጠው የምንፈልግን ቻርጅ ምን አይነት ጉልበት እንደሚያጋጥመው ለማወቅ እዚያ ቦታ ላይ ያለውን የኤሌክትሪክ መስክ ማወቅ ብቻ በቂ ነው።

በኤሌክትሪክ መስክ ጽንስ ሃሳብ መሰረት፣መስኩን ምን ፈጠረው፣ ስንት ቻርጆች ፈጠሩት ወዘተ... የሚለውን ማወቅ አላስፈላጊ ኣይደለም። ስለሆነም የኤሌክትሪክ መስክ በኅዋ ውስጥ ለሚገኙ ለያንዳንዳቸው ነጥቦች መንደርተኛ (ሎካል) ባህርይ ይሰጣቸዋል ይባላል። ከማዕከላዊ ስሌት ያላቅቃል።

1. Electric field in "Electricity and Magnetism", R Nave
2. 'The Electric Field' - Chapter 23 of Frank Wolfs's lectures ከ ሮቸስተር ዩኒቨርሲቲ