Zamuxolo Peter

Zamuxolo Joseph Peter (10 Januarie 1965 – 31 Julie 2020) was 'n Suid-Afrikaanse politikus. Hy het as 'n lid van die Nasionale Vergadering van Suid-Afrika vanaf 2019 tot 2020 gedien. Hy was die burgemeester van die Makana Plaaslike Munisipaliteit tussen 2011 en 2015, asook 'n lid van die African National Congress.

Zamuxolo Peter
Ampstermyn
22 Mei 2019 – 31 Julie 2020
Persoonlike besonderhede
Gebore Zamuxolo Joseph Peter
10 Januarie 1965
Riebeeck-Oos, Kaapprovinsie, Suid-Afrika
Sterf 31 Julie 2020 (op 55)
Nasionaliteit Vlag van Suid-Afrika Suid-Afrika
Politieke party African National Congress
Kind(ers) 3
Alma mater Border Technikon
Beit Berl Kollege

Vroeë lewe en loopbaan

Zamuxolo Joseph Peter is op 10 Januarie 1965 in Riebeeck-Oos, noord van Grahamstad gebore. Hy moes sy skoolloopbaan staak nadat sy pa, 'n plaasarbeider, oorlede is. Hy het later aan Border Technikon en aan die Beit Berl Kollege in Israel gestudeer.[1]

Peter was lid van die United Democratic Front. Binne die African National Congress het hy as 'n streekvoorsitter en 'n lid van die provinsiale uitvoerende komitee gedien.[2]

Na die munisipale verkiesing van 1995 is Peter tot burgemeester van die Riebeeck-Oos-oorgangsraad verkies. Hy is in die 2000-verkiesing as 'n wyksraadslid van die nuutgestigte Makana Plaaslike Munisipaliteit verkies. Peter is in 2011 tot burgemeester van Makana verkies en het die amp tot sy bedanking in 2015 beklee.[1]

Parlementêre loopbaan

Peter was 13de op die ANC se streeklys vir die 2019-verkiesing geplaas. Hy is op 22 Mei 2019 as 'n parlementslid ingehuldig.[1]

Komiteelidmaatskap
  • Portefeuljekomitee vir toerisme
  • Staande Komitee vir Ouditeur-Generaal

Afsterwe

Peter is op 31 Julie 2020 oorlede aan komplikasies weens 'n koronavirusinfeksie. Hy word deur sy vrou en drie kinders oorleef.[1]

Verwysings
  1. (en) Richardson, James (1 Augustus 2020). "COVID-19: ANC MP Zamuxolo Peter succumbs to the virus". The South African. Besoek op 1 Augustus 2020.
  2. (en) "ANC MP Zamuxolo Peter passes away after contracting Covid-19". The Citizen. 1 Augustus 2020. Besoek op 1 Augustus 2020.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.