Yzerfontein

Yzerfontein is 'n vakansiedorp aan die Weskus van Suid-Afrika aan die Atlantiese Oseaan en is gewild onder branderplankryers. Die dorp het in 1937 ontstaan toe die Katzfamilie die plaas Yzerfontein gekoop en die grond in woonerwe onderverdeel het. Die naam is ontleen aan 'n fontein wat in 'n ysterklipformasie ontspring.

Yzerfontein
Yzerfontein vanaf die dorp se hawe gesien.
Yzerfontein vanaf die dorp se hawe gesien.
Yzerfontein is in Wes-Kaap
Yzerfontein
Yzerfontein
Koördinate: 33°20′2″S 18°9′43″O
LandVlag van Suid-Afrika Suid-Afrika
ProvinsieWes-Kaap
DistriksmunisipaliteitWeskus
Plaaslike MunisipaliteitSwartland
Stigting1937
Hoogte
24 m (79 ft)
Bevolking
 • Totaal1 200
TydsoneUTC+2 (SAST)
Skakelkodes022
Webwerfwww.yzerfontein.net

Die dorp het 'n 25 km lange strand, die langste ononderbroke strand in Suid-Afrika. Daar is 'n restaurant wat inheemse disse bedien. Dit kan te voet of per grondpad bereik word.

Die dorp is geleë langs die bekende Weskus- Nasionale Park, en volstruise, slange, dassies en selfs bokkies word hier aangetref. Seevoëls en duikers maak hulself tuis in die dorp en broei hul kleintjies uit op Meeurots, 'n klein eiland in die baai, en Dasseneiland. Walvisse kom paar en kalf in die baai. Hulle kan van Junie tot Desember besigtig word.

Sien ook

Bron
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.