Ysselmeer

Die Ysselmeer (Nederlands: IJsselmeer) is 'n kunsmatige binnemeer in Nederland wat ontstaan het toe die Suidersee in 1932 afgesluit is deur die Afsluitdyk.

Ysselmeer
Satellietbeeld
Ysselmeer en ander dele van die Suidersee
Koördinate:	52°50′N 05°20′O
Ligging:	Friesland, Holland (Nederland)
Oppervlakte:	1 100 km²
Gemiddelde diepte:	5,5 m
Maksimum diepte:	7,0 m
Invloei:	Yssel, Overysselse Vecht
Uitvloei:	Noordsee

Die meer ontvang sy water uit die Yssel en het oor 'n aantal jare geleidelik ontsout. Dele van die meer is deur inpoldering drooggelê. Omrede die slegte ervarings met die Noordoostpolder wat in 1941 ontstaan het, is die latere polders nie aan die ou vasteland aangelê nie, maar daarvan geskei deur randmere. Die Noordoostpolder het die grondwatervlak in die naburige provinsie Friesland verlaag en dit het probleme vir die landbou veroorsaak.

Een van die polders wat oorspronklik beplan is, die Markerwaard, is om ekologiese redes nooit deurgevoer nie, maar sy buitedyk is wel aangelê en dit het die Markermeer geskei van die Ysselmeer.

Uit die Suidersee het ontstaan:

• Land
  • Wieringermeer (1930)
  • Noordoostpolder (1941)
  • Oostelike Flevoland (1957)
  • Suidelike Flevoland (1968)
• Water
  • Die huidige Ysselmeer
  • Markermeer
  • Die Randmere
    • IJmeer
    • Gooimeer
    • Eemmeer
    • Nijkerkernauw
    • Nuldernauw
    • Wolderwijd
    • Veluwemeer
    • Drontermeer
    • Vossemeer
    • Ketelmeer
    • Ramsdiep
    • Zwarte Meer
    • Kadoelermeer
    • Vollenhovermeer