Yellowstone Nasionale Park

Yellowstone Nasionale Park (Engels: Yellowstone National Park) is 'n nasionale park in die deelstaat Wyoming, Verenigde State, en is in 1978 deur Unesco as wêrelderfenisgebied gelys. Die park is op 1 Maart 1872 geproklameer nadat die Amerikaanse Kongres 'n wet goedgekeur het en dit deur president Ulysses S. Grant onderteken is. Die park is 3 472 vierkante myl groot en klein gedeeltes lê ook in Montana en Idaho. Die park is onder andere bekend vir sy geisers, warmwaterbronne en moddervulkane. Die Yellowstonerivier vloei in die Yellowstone Canyon deur die park en vloei ook deur die Yellowstonemeer. Old Faithful is een van die bekendste geisers in die park.

Yellowstone Nasionale Park*
Unesco-wêrelderfenisterrein
Die Grand Canyon van Yellowstone
Yellowstone Nasionale Park Posisie van die Yellowstone Nasionale Park in die Verenigde State
Koördinate: 44°36′00″N 110°30′00″W
Lande	Verenigde State
Tipe	Natuur
Kriteria	vii, viii, ix, x
Verwysings	28
Streek†	Noord-Amerika
Inskripsiegeskiedenis
Inskripsie	1978  (2de Sessie)
* Naam soos dit in die Wêrelderfenislys verskyn. † Streek soos deur Unesco geklassifiseer.